அமைச்சர் மோ்வின் மீண்டும் களத்தில்: களனி பல்கலைக்கழக மாணவர்கள் தாக்கப்பட்டனர்

by **அர்சாத்** Tue 28 Dec 2010 - 17:02

அமைச்சர் மோ்வின் மீண்டும் களத்தில்: களனி பல்கலைக்கழக மாணவர்கள் தாக்கப்பட்டனர்

அமைச்சர் மோ்வின் சில்வாவின் நெருங்கிய ஆதரவாளர்கள் மூலமாக களனிப் பல்கலைக்கழக மாணவர்கள் தாக்கப்பட்ட சம்பவமொன்று இலங்கை நேரப்படி இன்று பி.ப. 4.00 மணியளவில் நடைபெற்றுள்ளது.

களனிப் பல்கலைக்கழகத்தின் முன்னால் துண்டுப் பிரசுரம் விநியோகித்துக் கொண்டிருந்த மாணவர்களே அமைச்சர் மோ்வின் சில்வாவின் ஆதரவாளர்களால் தாக்கப்பட்டுள்ளனர்.
அரசாங்கம் துண்டுப் பிரசுர விநியோகத்தை உத்தியோகப் பற்றற்ற முறையில் தடைசெய்துள்ள நிலையில் அமைச்சர் மோ்வினின் தொகுதியான களனியில் வைத்து துண்டுப் பிரசுரம் விநியோகித்தமையே தாக்குதலுக்கான காரணம் என்று தெரிய வந்துள்ளது.
தாக்குதலுக்குள்ளானவர்களில் இரு மாணவர்கள் காயமடைந்திருப்பதாக தெரிய வந்துள்ளதுடன், ஏனைய மாணவர்கள் விரட்டியடிக்கப்பட்டுள்ளனர்.
தாக்குதலை மேற்கொண்டவர்கள் தங்களை இனம் காட்டிக் கொண்டே தாக்கியதாக மாணவர்கள் பிரதிநிதிகள் எமது செய்தியாளரிடம் தெரிவித்துள்ளனர்.