நாட்டின் முன்னேற்றத்தில் ஊடகவியலாளர்கள் முக்கிய பங்கு

by **நண்பன்** Tue 2 Aug 2011 - 4:10

நாட்டின் முன்னேற்றத்தில் ஊடகவியலாளர்கள் முக்கிய பங்கு
மகேஸ்வரன் பிரசாத்
தகவல்களை அறிந்துகொள்ளும் உரிமையைக் கொண்டிருக்கும் மக்களுக்கு சரியான தகவல்களை, துல்லியமாக வழங்கும் பொறுப்பு ஊடகவியலாளர்களுக்கு உண்டு. குறிப்பாக இலங்கை போன்ற அபிவிருத்தியடைந்துவரும் நாடுகளில் ஊடகவியலாளர்களுக்கு அதிகமான பொறுப்பு இருப்பதாக குறிப்பாக வடக்கு, கிழக்கில் முன்னெடுக் கப்பட்டிருக்கும் பல்வேறு அபிவிருத்திப் பணிகள் தொடர்பில் மக்களுக்குத் தெளிவு படுத்தும் பொறுப்பு வாய்ந்த கடமை வடக்கு, கிழக்கு ஊடகவியலாளர்களுக்கு இருப்பதாக அமைச்சர் குறிப்பிட்டார்.

மன்னார், வவுனியா, முல்லைத்தீவு மற்றும் கிளிநொச்சி ஆகிய மாவட்டங்களைச் சேர்ந்த ஊடகவியலாளர்களுக்கு முல்லைத்தீவு மாவட்டம் கொக்காவில் தொலைத்தொடர்பு கோபுரத்தின் கணனிப் பகுதியில் கடந்த சனிக்கிழமை நடைபெற்ற ஒருநாள் ஊடக செயலமர்வை ஆரம்பித்துவைத்து உரை யாற்றும்போதே அமைச்சர் மேற்கண்டவாறு கூறினார். அங்கு மேலும் உரையாற்றிய அமைச்சர்; நாட்டிலுள்ள அனைத்து ஊடக வியலாளர்களுக்கும் தேவையான பயிற்சி களை வழங்கி, ஊடக ஒழுங்கமைப்பை ஒரே குடையின் கீழ் கொண்டுவர நட வடிக்கை எடுக்கப்பட்டு வருகிறது. இதற்கு இந்த செயலமர்வு உறுதுணையாக விருக்கும். இவ்வாறான செயலமர்வுகள் மூலம் ஏற்கனவே ஊடகத்துறையில் பணியாற்றி வரும் ஊடகவியலாளர்கள் தமது நிலைப் பாடுகளை, அறிவைப் பகிர்ந்துகொண்டு தமது தொழில்துறையில் நிபுணத்துவத்தை ஏற்படுத்த வேண்டும்.

கொழும்பிலும் ஏனைய இடங்களிலும் நாம் இவ்வாறான செயலமர்வுகளை நடத்தியிருக்கின்றோம். எனினும், வடக்கு கிழக்கிலும் ஊடகவியலாளர்களுக்கான செயலமர்வுகள் நடத்தப்படவேண்டுமென அமைச்சின் செயலாளர் டபிள்யூ.பி.கனேகல வழங்கிய யோசனைக்கமையவே நான்கு மாவட்டங்களைச் சேர்ந்த ஊடகவியலாளர் களுக்கு கொக்காவிலில் செயலமர்வை நடத்த நாம் நடவடிக்கை எடுத்தோம். அடுத்த கட்டமாக யாழ் மாவட்ட ஊடக வியலாளர்களுக்கு யாழ்ப்பாணத்தில் செயமலர்வொன்று நடத்தவுள்ளோம்.

ஊடகவியலாளர்களான நீங்கள் ஒரு நாட்டில் முன்னேற்றத்தில் பெரும்பங்கு வகிக்கின்aர்கள். ஒரு நாட்டை முன்னோக்கிக் கொண்டுசெல்வதற்கும், தேவைப்படின் நாட்டை பின்னோக்கிக் கொண்டுசெல் வதற்கும் ஊடகவியலாளர்களான உங்களால் முடியும். இவ்வாறான நிலையில் இந்த ஊடக செயலமர்வில் பெற்றுக்கொள்ளும் அறிவைப் பயன்படுத்தி நாட்டை முன் னோக்கி கொண்டுசெல்ல முயற்சிக் வேண்டும்.

நாட்டை முன்னேற்றிச் செல்வதற்கு ஊடகம் ஒரு பிரதான ஆயுதமென்பதால் அதனைச் சரியாகப் பயன்டுத்தவேண்டும் என்றும் அமைச்சர் கெஹலிய ரம்புக்வெல தனது உரையில் மேலும் தெரிவித்தார்.