கறுப்பு பணம் வைத்திருப்போர் பட்டியல் வெளியிடப்படும் - நிதியமைச்சர்

கறுப்பு பணம் வைத்திருப்போர் பட்டியல் வெளியிடப்படும் - நிதியமைச்சர்
கறுப்பு பணம் வைத்திருப்ப வர்கள் நீண்ட காலமாக வரி செலுத்தாமல் ஏமாற்றுபவர்களின் விவரங்களை விரைவில் வெளியிட மத்திய அரசு திட்டமிட்டுள்ளது என நிதியமைச்சர் பிரணாப் முகர்ஜி கூறியுள்ளார்.

வெளிநாட்டு வங்கிகளில் இந்தியர்கள் பதுக்கி வைத்துள்ள பணம் ரூ. 21 இலட்சம் கோடி இருக்கும் என மதிப்பிடப்பட்டு ள்ளது.

இது குறித்து டெல்லியில் நேற்று பேட்டியளித்த நிதி அமைச்சர் பிரணாப் முகர்ஜியிடம் நிருபர்கள் கேள்வி கேட்டனர். அப்போது அவர் கூறியதாவது,

சுவிஸ் தேசிய வங்கி அதிகார பூர்வமாக தெரிவித்த தகவலில், இந்தியப் பணம் ரூ. 11 ஆயிரத்து 250 கோடி சுவிஸ் வங்கிகளில் உள்ளது என கூறியிருக்கிறது. இது குறித்து நான் நேரடியாக கருத்து தெரிவிக்க முடியாது.

இந்த விஷயத்தை சரிபார்க்க சொல்லி இந்திய தூதர்களிடம் தெரிவித்துள்ளேன். சுவிஸ் வங்கிகளில் இந்தியர்கள் பதுக்கி வைத்துள்ள பணம் பற்றிய தகவல் இந்தாண்டு இறுதிக்குள் கிடைத்து விடும் என எதிர்பார்க்கப்படுகிறது.

இதற்காக சுவிட்சர்லாந்துடன் இந்தியா இரட்டை வரிவிதிப்பு தவிர்ப்பு ஒப்பந்தம் செய்துள்ளது. இது சுவிஸ் நாடாளுமன்றத்தில் செப்டம்பர் மாதத்துக்குள் நிறைவேறி விடும் அதன்பின் சுவிஸ் வங்கியில் பதுக்கப்பட்ட பணம் பற்றிய தகவல் தெரிந்துவிடும். இந்தியாவிலும், வெளிநாடுகளிலும் கணக்கில் வராத வருவாய், சொத்து எவ்வளவு என தனி ஆய்வு நடைபெற்றுக் கொண்டிருக்கிறது.

நீண்ட காலமாக வரி ஏய்ப்பு செய்தவர்கள், கறுப்பு பணம் பதுக்கியவர்களின் பெயர் விவரங்கள் வெளிப்படையாக அறிவிக்கப்படும்.

கறுப்பு பணத்தை வெளியே கொண்டு வர ஐக்கிய முற்போக்கு கூட்டணி அரசு நடவடிக்கை எடுக்கவில்லை என எதிர்க்கட்சிகள் குற்றம் சாட்டி வருகின்றனர். பா. ஜனதா 6 ஆண்டு காலம் ஆட்சியில் இருந்துள்ளது.

இந்திய கம்யூனிஸ்ட் கட்சியை சேர்ந்த மறைந்த இந்திரஜித் குப்தா ஒன்றரை ஆண்டுகளுக்கு மேலாக உள்துறை அமைச்சராக இருந்துள்ளார்.

அப்போது அவர்கள் ஊழல் மற்றும் கறுப்பு பணத்தை ஒழிக்க எந்த நடவடிக்கையும் எடுக்கவில்¨ல் இவ்வாறு பிரணாப் முகர்ஜி கூறினார்.

:”@: :”@: