திருச்சி மேற்கு தொகுதிக்கு அடுத்த மாதம் இடைத்தேர்தல்? ஏற்பாடுகள் தீவிரம்

சென்னை, ஆக 3-


திருச்சி
மேற்கு தொகுதியில் வெற்றி பெற்ற அமைச்சர் மரியம்பிச்சை மே மாதம் 23-ந்தேதி
விபத்தில் மரணம் அடைந்தார். தேர்தலில் முன்னாள் அமைச்சர் நேருவை விட
அவரை எதிர்த்து போட்டியிட்ட மரியம்பிச்சை 7 ஆயிரம் ஓட்டுகள் அதிகம்
பெற்றார்.

தொகுதி மறு சீரமைப்புக்குப் பிறகு
புதிதாக இந்த தொகுதி உருவாக்கப்பட்டது. வெற்றி பெற்ற சில தினங்களிலேயே
மரியம் பிச்சை மரணம் அடைந்தார், இங்கு இடைத் தேர்தல் நடை பெற உள்ளது.
இதற்கான ஏற்பாடுகள் நடந்து வருகின்றன.

திருச்சி
மேற்கு தொகுதியின் மொத்த வாக்காளர்கள் எண்ணிக்கை 2 லட்சத்து 7 ஆயிரத்து
286. இங்கு பெண் வாக்காளர்கள் அதிகம் உள்ளனர். அவர்கள் எண்ணிக்கை 1
லட்சத்து 9 ஆயிரத்து 49. ஆண்கள் 98 ஆயிரத்து 233 பேர், திருநங்கைகள் 4 பேர்
உள்ளனர்.

தேர்தல் நடந்து சில மாதங்களே ஆகியுள்ளது.
எனவே, புகைப்படத்துடன் கூடிய வாக்காளர் பட்டியல் தயாராக உள்ளது. வாக்குச்
சாவடிகள், தேர்தல் அதிகாரிகள், ஊழியர்கள் பற்றிய விவரங்களும் உள்ளன. இவை
தவிர, திருச்சி மேற்கு தொகுதி இடைத் தேர்தலுக்கான ஏற்பாடுகள் அனைத்தும்
செய்யப்பட்டு விட்டதாக தேர்தல் கமிஷன் வட்டாரங்கள் தெரிவிக்கின்றன.

பொதுவாக
ஒரு தொகுதியில் எம்.எல்.ஏ. இடம் காலியாக இருந்தால் 6 மாதத்துக்குள்
தேர்தல் நடைபெற வேண்டும். அதன்படி நவம்பர் மாதத்துக்கு முன்பு இந்த
தொகுதியில் இடைத் தேர்தல் நடக்க வேண்டும் என்றாலும் அனைத்து ஏற்பாடுகளும்
நடந்து விட்டன.

இதுபற்றி மத்திய தேர்தல் கமிஷனுக்கு
தெரிவிக்கப்பட்டு விட்டது. எனவே, அடுத்த மாதமே திருச்சி மேற்கு தொகுதியில்
இடைத்தேர்தல் நடை பெறலாம். இதற்கான அறிவிப்பை விரைவில் மத்திய தேர்தல்
கமிஷன் அறிவிக்க வாய்ப்பு உள்ளது என்று தேர்தல் கமிஷன் வட்டாரங்கள்
தெரிவிக்கின்றன.

தகவலுக்கு நன்றி தலைவரே

இங்கு தேர்தல் கமிஷன் எப்படி நடக்கு து என்று பார்ப்போம் .
கடந்த தேர்தலில்.தமிழகம் மட்டும் அதுவும் ஆளும் கட்சிக்கு எதிராகவே நடந்தது உண்மை .கடந்த இடைதேர்தல்களில் திமுக
பெற்ற வெற்றிகளை கண்டு .தேர்தல் ஒட்டு பெட்டி ,எதை அழுத்தினாலும் .உதய சூரியனே விழும் போல செய்து உள்ளார்கள் என்று .ஜெயா சொன்னது நினைவு இருக்கும், இப்போ எப்படி ?
வாயே திறக்க காணும் .
தேர்தல் கமிஷன் என்ன செய்து என்று வரும் இடை தேர்தலில் தெரிய வரும் .

@. @.