திருச்சி மேற்கு தொகுதி இடைத்தேர்தல்; அ.தி.மு.க. முன்னணி

by **நண்பன்** Thu 20 Oct 2011 - 8:54

திருச்சி மேற்கு தொகுதியில் கடந்த ஏப்ரல் மாதம் நடைபெற்ற
பொதுத் தேர்தலில் அ.தி.மு.க. சார்பில் போட்டியிட்டு வெற்றி பெற்று
அமைச்சரான மரியம்பிச்சை கார் விபத்தில் மரணம் அடைந்தார்.

இதையடுத்து
இத்தொகுதிக்கு கடந்த 13-ந்தேதி இடைத்தேர்தல் நடை பெற்றது. அ.தி.மு.க.
சார்பில் மு.பரஞ்சோதி, தி.மு.க. சார்பில் முன்னாள் அமைச்சர் கே.என்.நேரு,
சுயேட்சைகள் உள்பட 16 பேர் போட்டியிட்டனர். 2 லட்சத்து 8 ஆயிரத்து 427
வாக்காளர்களில் ஆண்கள் 63 ஆயிரத்து 360 பேரும், பெண்கள் 64 ஆயிரத்து 905
பேரும் என மொத்தம் 1 லட்சத்து 27 ஆயிரத்து 455 பேர் வாக்களித்தனர்.

மொத்த
வாக்குப்பதிவு 61.15 சதவீதம் ஆகும். இது கடந்த பொதுத் தேர்தலைவிட 15
சதவீதம் குறைவாகும். வாக்குப்பதிவு முடிவடைந்ததும் 240 வாக்குச்சாவடி
மையங்களில் இருந்து மின்னணு வாக்குப்பதிவு எந்திரங்கள் அனைத்தும் `சீல்'
வைக்கப்பட்டு வாக்கு எண்ணிக்கை மையமான பஞ்சப்பூரில் உள்ள சாரநாதன்
என்ஜினீயரிங் கல்லூரிக்கு பலத்த பாதுகாப்புடன் கொண்டு செல்லப்பட்டன.

அங்கு
24 மணிநேரமும் துணை ராணுவத்தினர் மற்றும் போலீசார் கண் காணிப்பு
பணியில் ஈடுபட்டு வந்தனர். இன்று காலை 8 மணிக்கு ஓட்டு எண்ணிக்கை
தொடங்கியது. வாக்குகள் எண்ணுவதற்காக மொத்தம் 14 மேஜைகள் போடப்பட்டிருந்தன.
18 ரவுண்டுகளாக வாக்குகள் எண்ணப்படுகின்றன. அங்கு ஓட்டு எண்ணும்
அலுவலர்கள் மற்றும் வேட்பாளர்களின் முகவர்கள் மட்டும்
அனுமதிக்கப்பட்டனர்.

முதலில் தபால் ஓட்டுக்கள்
எண்ணப்பட்டன. இதில் பதிவான 5 ஓட்டும் தி.மு.க. வுக்கே கிடைத்துள்ளது.
அதன் பிறகு மின்னணு எந்திரங்களில் பதிவான வாக்குகள் எண்ணப்பட்டன.
முதல் சுற்று முடிவில் தி.மு.க. வேட்பாளர் கே.என்.நேருவை விட
அ.தி.மு.க. வேட்பாளர் மு.பரஞ்சோதி 489 வாக்குகள் கூடுதலாக பெற்றிருந்தார்.

7வது சுற்று மு.பரஞ்சோதி (அ.தி.மு.க.)- 27,666 கே.என்.நேரு (தி.மு.க.)-21,638

மாலை மலர்