உலக சாதனை சைக்கிள் சவாரி யாழ்ப்பாணத்தில் இருந்து ஆரம்பம்

by **நண்பன்** Thu 4 Aug 2011 - 4:18

உலக சாதனை சைக்கிள் சவாரி யாழ்ப்பாணத்தில் இருந்து ஆரம்பம்
(வடகொழும்பு குறூப் நிருபர்)
உலகம் முழுவதும் சைக்கிளில் சவாரி செய்து சாதனையொன்றை நிலைநாட்ட ஜெர்மனியில் வசிப்பவரும், இலங்கையைப் பிறப்பிடமாக கொண்டவருமான நபரொருவர் முயன்று வருகிறார்.

62 வயதுடைய ராஜா ரத்னசிங்கம் குணசேகர தெஹிவளையைப் பிறப்பிடமாக கொண்ட இவர் ஜெர்மனியில் குடியுரிமை பெற்று தற்பொழுது மனைவி மற்றும் பிள்ளைகளுடன் அங்கு வாழ்ந்து வருகிறார்.

சுமார் 2000 கி. மீற்றர் தூர எல்லையைக் கொண்ட இலங்கை சவாரியை 23 நாட்களில் பூர்த்தி செய்வதற்கு தீர்மானித்துள்ளேன் என இது தொடர்பாக இடம் பெற்ற பத்திரிகையாளர்கள் மாநாட்டின்போது இவர் தெரிவித்தார்.

இதற்கான பூரண அனுசரணையினை வழங்க இலங்கை ஒட்டோமொபைல் சங்கம் முன் வந்ததையிட்டு தான் பெரும் மகிழ்ச்சியடைவதாகவும் அவர் குறிப்பிடுகின்றார்.

தற்பொழுது உலகின் பல நாடுகளில் சைக்கிள் சவாரி மேற்கொண்டுள்ள இவரது சாதனை ஐந்து வருடங்களில் பூர்த்தி செய்யப்படும்.

இலங்கைக்கான இவரது முதல் சைக்கிள் சவாரி நேற்று யாழ்ப்பாணத்தில் இருந்து ஆரம்பமாகி கொழும்பு வரை இடம் பெறும்.