சமச்சீர் கல்வி திட்டத்தை முடக்க முயற்சி

சமச்சீர் கல்வி திட்டத்தை முடக்க முயற்சி: வழக்கில் பெற்றோர் தரப்பு சட்டத்தரணி நீதிமன்றத்தில் வாதம்
சமச்சீர் கல்வி திட்டம், முந்திய கல்வி ஆண்டில் 1 மற்றும் 6ம் வகுப்புகளில் அமுல்படுத்தப்பட்டது. அதன் பின் இந்த கல்வி ஆண்டில் இந்த திட்டம் ரத்துச் செய்யப்பட்டது. இதைத் தொடர்ந்து சென்னை மேல் நீதிமன்றத்தில் வழக்கு தொடரப் பட்டது. இந்த வழக்கில் சமச்சீர் கல்வி திட்டத்தை இந்த கல்வி ஆண்டு முதலே அமுல்படுத்த வேண்டும் என்று மேல் நீதிமன்றம் உத்தரவிட்டது.

இந்த உத்தரவை எதிர்த்து உயர் நீதிமன்றத்தில் தமிழக அரசு முறையீடு செய்தது.

நேற்று முன்தினம் இந்த வழக்கு விசாரணை நடைபெற்றது. அப்போது பெற்றோர் தரப்பு சட்டத்தரணிகள் வாதாடினார்கள். அவர்களின் வாதம் வருமாறு:

இந்திய ஆட்சியில் கொண்டுவரப்பட் டது என்ற ஒரே காரணத்துக்காக சமச்சீர் கல்வித் திட்டத்தை தற்போதைய அரசு ரத்துச் செய்து இருக்கிறது. இந்த அரசு சமச்சீர் கல்வி திட்டத்தை முடக்க முயற்சி செய்கிறது. இது மாண வர்களின் அடிப்படை உரிமையை பறிக்கிறது.

முந்திய ஆட்சியில் சமச்சீர் கல்வி உயர்மட்ட குழு அமைத்தே தயாரிக்கப்பட்டது. இந்த கல்வித் திட்டம் தரமானது. இதை உடனே அமுல்படுத்த உத்தரவிட வேண்டும் முந்திய. ஆட்சி அமைத்த சமச்சீர் கல்விக் குழுவில் இடம்பெற்ற பள்ளி கல்வி இயக்குனர், இப்போது அதே பாட திட்டம் தரம் அற்றது என்று கூறுவது வினோதமாக இருக்கிறது.

90 சதவீத மாணவர்கள் அரசு பள்ளிகளில் படிக்கிறார்கள். மெட்ரிக்குலேஷன் பள்ளிகள் கல்வியை வியாபாரமாக்கி வருகிறார்கள். இதை தடுக்க வேண்டும். அனைத்து மாணவர்களுக்கும் சமச்சீர் கல்வி கிடைக்க உத்தரவிட வேண்டும். இவ்வாறு பெற்றோர் தரப்பு சட்டத்தரணிகள் வாதம் புரிந்தனர். பின்னர் அரசு தரப்பு சட்டத்தரணி சமச்சீர் கல்வித் திட்டம் தரமானதாகவும் ஒரே சீராகவும் இல்லை என்ற ஒரே காரணத்துக்காகத்தான் தற்போதைய அரசு அந்த பாட திட்டத்தை ரத்துச் செய்து இருக்கிறது. இதற்கு வேறு காரணங்கள் இல்லை என்றார்.

அப்போது நீதிபதிகள் குறுக்கிட்டு முந்திய கல்வி ஆண்டில் சமச்சீர் கல்வி திட்டத்தின் படி பாடம்படித்த மாணவர்கள் இப்போது எந்த பாடத் திட்டத்தின் படி பாடம்படிக்கிறார்கள்? என்று கேட்டனர்.

இதற்கு பதில் அளித்த அரசு சட்டத்தரணி கடந்த 2 மாதமாக ப்ரிட்ஜ் என்ற பொது பாடத் திட்டத்தின்படி பாடம் நடத்தப்பட்டு வருகிறது என்று பதில் அளித்தார்.

இன்று இந்த வழக்கில் தீர்ப்பு அளிக்கப்படும் என்று எதிர்பார்க்க ப்படுகிறது.

##* ##*