கிaஸ் மனிதர் நடமாட்டம் பொதுமக்கள் தொடர்ந்தும் பீதி

கிaஸ் மனிதர் நடமாட்டம் பொதுமக்கள் தொடர்ந்தும் பீதி
பதுளை, புசல்லாவை, இறக்காமம் பகுதிகளில் பதற்றம்
கட்டுக்கதை என்கின்றனர் பொலிஸார்
ஸாதிக் ஷிஹான், ஹாலி-எல இறக்காமம், புசல்லாவ தினகரன் நிருபர்கள்
கிaஸ் மனிதர்களின் நடமாட்டமும் அடாவடித்தனங்களும் நாட்டில் பல பாகங்களிலும் அதிகரித்திருப்பதாக தகவல்கள் வெளியாகிவரும் அதேவேளை, சில இடங்களில் உடல் எங்கும் கிaஸை பூசிக்கொண்டு மக்களை பீதியில் ஆழ்த்திய நபர்கள் பொதுமக்களால் மடக்கிப் பிடிக்கப்பட்டு நையப்புடை க்கப்பட்ட சம்பவங்களும் இடம்பெற்றுள்ளன.

பதுளை, புசல்லாவை, இறக்காமம் உள்ளிட்ட பிரதேசங்களில் இத்தகைய கிaஸ் மனிதர்களின் நடமாட்டம் காணப்படுவதாக மக்கள் கூறுகின்றனர். எனினும் கிaஸ் மனிதர்கள் என்று கூறப்படுவதில் உண்மை எதுவும் இல்லை என்று பொலிஸார் கூறுகின்றனர். இறக்காமம் வரிப்பத்தான் சேனைப் பிரதேசங்களில் மர்ம மனிதர்களின் நடமாட்டமும் அச்சுறுத்தலும் நாளுக்கு நாள் அதிகரித்துக் கொண்டு செல்வதாக பிரதேசவாசிகள் தெரிவிக்கின்றனர்.

நேற்று முன்தினம் (06) சனிக்கிழமை இரவு 8.30 மணியளவில் இறக்காமம் அமீர் அலி புரத்திலுள்ள வீடொன்றின் பின்புறமாக கறுத்த உடையணிந்து சப்பாத்துடன் நடமாடியதைக் கண்ட குடியிருப்பாளர்கள் கூக்குரலிட்டு அயலவர்களை அழைத்த போது மர்ம மனிதர்கள் தப்பியோடியுள்ளனர்.

அங்கு ஒன்று கூடிய மக்கள் பொலிஸாருக்கு தகவல்

கொடுத்துள்ளனர். பொலிஸாரும் பொது மக்களும் இணைந்து மர்ம மனிதர்க ளைத்தேடி வலைவிரித்தும் கண்டுபிடிக்க முடியவில்லை எனத் தெரிவிக்கப்படுகிறது.

இது இவ்வாறிருக்க புசல்லாவை மற்றும் பதுளை ஆகிய இடங்களில் கிaஸ் மனிதர்கள் என்ற சந்தேகத்தில் சிலர் பொதுமக்களால் பிடித்து நையப்புடை க்கப்பட்டு பின் பொலிஸாரிடம் ஒப்படைத் துள்ளனர்.

கிaஸ் பூசிக்கொண்டு பொதுமக்களுக்கு பல்வேறு தொல்லைகளைக் கொடுத்தார்கள் என்ற சந்தேகத்தின் பேரில் இருவரைப் புசல்லாவைப் பொலிஸார் கைது செய்துள்ளனர். டெல்டா தெற்கு தோட்டத்தில் சந்தேகத்திற்கிடமாக உலாவிய பெரும்பான்மை இனத்தைச் சேர்ந்த இருவரை பிரதேச மக்கள் பிடித்து புசல்லாவைப் பொலிஸாரிடம் நேற்று ஒப்படைத்துள்ளனர்.

மேலும் பதுளை தல்தென பிரதேசத்தில் பெண்களை அச்சுறுத்தி பல அடாவடித்த னங்களில் ஈடுபட்ட இரண்டு கிaஸ் மனிதர்களை பொதுமக்கள் பிடித்து நையப்புடைத்து பொலிஸாரிடம் ஒப்படைத்துள்ளனர். இந்த சம்பவம் நேற்று முன்தினம் இரவு பதுளை தல்தென பிரதேசத்தில் இடம்பெற்றுள்ளது. இவ்வாறு கைது செய்யப்பட்ட நபர்கள் இருவரும் தல்தெனப் பகுதியைச் சேர்ந்த 17, 19 வயது இளைஞர்கள் என பொலிஸார் தெரிவிக்கின்றனர்.

இருப்பினும் நாட்டின் பல பிரதேசங்களில் கிaஸ் மர்ம மனிதனின் நடமாட்டம் இருப்பதாக கூறப்படும் தகவல்களில் எந்தவித உண்மைகளும் கிடையாது என்று பொலிஸ் தலைமையகம் அறிவித்துள்ளது.

கிaஸ் மனிதனின் நடமாட்டம் உருவாக்க ப்பட்ட கதை என்பது பொலிஸார் நடத் திய விசாரணைகளில் திட்டவட்டமாக தெரிய வந்துள்ளதாக பொலிஸ் ஊடகப் பேச்சாளர் பொலிஸ் அத்தியட்சகர் பிரிஷாந்த ஜயகொடி தெரிவித்தார்.

பிபிலை, சியம்பலாண்டுவ, அலவது கொடை, பதுளை, ரம்பேவ, கிராந்துரு கோட்டை, மஹியங்கனை ஆகிய பிரதேச ங்களில் கிaஸ் மர்ம மனிதனின் நடமாட்டம் இருப்பதாக கூறப்பட்டதையடுத்து அந்தந்த பிரதேசங்களிலுள்ள பொலிஸ் நிலையங்கள் இது தொடர்பில் தனித்தனியாக விரிவான விசாரணைகளை நடத்தியுள்ளது. குறித்த பிரதேசங்களில் சட்டவிரோத நடவடிக்கைகளில் ஈடுபட்டு வரும் நபர்கள் தாங்கள் அந்தப் பிரதேசத்தில் செய்து வரும் குற்றச் செயல்களை மறைப்பதற்காக உருவாக்கப்பட்ட பொய்யாக கட்டப்பட்ட கதைகள் என்று விசாரணைகளிலிருந்து தெரிய வந்துள்ளதாக குறிப்பிடப்பட்டுள்ளது.