சூரிய ஒளி மின்சார தயாரிப்பு

சூரிய ஒளி மின்சார தயாரிப்பு செலவை கட்டுப்படுத்த சுவிஸ் நிபுணர்கள் தீவிரம்
[ திங்கட்கிழமை, 08 ஓகஸ்ட் 2011, 06:32.11 மு.ப GMT ]
சுவிசில் பசுமைதுறைக்கு மிகுந்த முக்கியத்துவம் தரப்படுகிறது. சுவிஸ் பொருளாதாரத்தில் பசுமைத்துறையில் 1 லட்சத்து 16 ஆயிரம் பேர் பணியில் அமர்த்தப்பட்டு உள்ளனர்.

இதன் மூலம் மொத்த வருவாய் 2 ஆயிரத்து 900 கோடி சுவிஸ் பிராங்காக உள்ளது. இருப்பினும் புதுப்பிக்கதக்க எரிசக்தியில் சூரிய ஒளி மின்சாரம் என்பது செலவினம் பிடிக்ககூடியதாகவே உள்ளது.

இந்த சூரிய ஒளி மின்சார உற்பத்தி செலவை குறைக்க சுவிஸ் நிபுணர்கள் முயற்சி மேற்கொண்டு உள்ளனர். நிபுணர்கள் பெலிக்ஸ்டிபென்பாச்சர் மற்றும் சாமுவேல் குட்டா கூறுகையில்,"எதிர்காலத்தில் இந்த சூரிய ஒளி மின்சாரம் மிகச்சிறிய குழாய் வடிவில் அதிக அளவில் பெறக்கூடியதாக இருக்கும்" என்றனர்.

இவர்கள் வியன்னாவை மையமாக கொண்ட ஹீலியோவிஸ் நிறுவனத்தில் உள்ளனர். சுவிசில் கடந்த 2001ஆம் ஆண்டு முதல் 2009ஆம் ஆண்டு வரை ஆண்டு வளர்ச்சி 6.3 சதவீதமாக இருந்தது. சுவிஸ் பொருளாதாரத்தில் இது 2.9 சதவீதம் ஆகும்.

பசுமைத்துறையில் மிகப்பெரும் வளர்ச்சியாக சுற்றுச்சூழல் துறையில் 47 சதவீதம் பதிவானது. 2020ஆம் ஆண்டு கால கட்டத்தில் பசுமை நிறுவனங்களில் கூடுதலாக 53 ஆயிரம் ஊழியர்கள் நியமனம் செய்யப்படுவார்கள். இதன் மூலம் 5700 கோடி சுவிஸ் பிராங்க் ஆண்டு வருவாய் கிடைக்கும்.

நல்ல தகவல்