100 அடி உயரத்தில் பலூன்களுக்கு இடையில் நடந்து சாதனை

by **நண்பன்** Wed 10 Aug 2011 - 4:44

100 அடி உயரத்தில் பலூன்களுக்கு இடையில் நடந்து சாதனை
இரண்டு ராட்சத பலூன்களுக்கு இடையில் 100 அடி உயரத்தில் கம்பி வழியாக நடந்து சீன சாகச வீரர் சைமாய்தி ஆய்ஷன் சாதனை படைத்துள்ளார்.

இந்த நிகழ்ச்சி சீனாவின் ஹுனான பகுதியில் கடந்த ஞாயிற்றுக்கிழமை நடந்தது.

வெப்பக் காற்றில் இயங் கும் 2 இராட்சத பலூன்கள் இடையே 45 அடி நீள இரும்பு கம்பி கட்டப்பட்டது. கீழே பாதுகாப்பு வலை கட்டப்படாமல் கையில் நீளமான கம்புடன் அய்வின் பலூனில் ஏறினார். ஏராள மான மக்கள் திரண்டிருந்தனர். தரையில் இருந்து 100 அடி உயரத்தில் பறக்கும் போது வெற்றிகரமாக ஒரு பலூனில் இருந்து இன்னொன்றுக்கு கம்பி வழியாக நடந்து சென்று சாதனை படைத்தார்.

பின்னர் பலூன் இன்னும் உயரே கிளப்பப்பட்டது. 328 அடி உயரத்தில் பறக்கும் போது நடந்து செல் லும் சாகசத்தை தொடங்கினார் அய் ஷன். எதிர்பாராத விதமாக காற்று வேக மாக வீச தொடங் கியது. சமநிலை செய்ய முடியாமல் திணறிய அய்ஷன், கை பிடி நழுவியது. கையில் இருந்து கம்பு கீழே விழ இரும்பு கம்பியை பிடித்து தொங்கினார்.

அதிர்ஷ் டவசமாக உயிர் தப்பி னார். ‘650 அடி உய ரத்தில் நடந்து 4வது முறை யாக கின்னஸ் சாதனை படைக்க வேண்டும் என்று நினைத்திருந்தேன். எதிர்பாராதவிதமாக முயற்சி தோல்வி அடைந்துவிட்டது. இதே சாதனையை விரைவில் படைப்பேன்’ என்றார். சீன அளவில் அதிக உயரத்தில் நடந்து சென்ற வீரர் என்ற சாதனையை அய்ஷன் படைத்துள்ளார்.