எதிர்ப்பாளர்களுக்கு பணிய மாட்டேன்

எதிர்ப்பாளர்களுக்கு பணிய மாட்டேன்



- சிரிய ஜனாதிபதி உறுதி

தீவிரவாதிகளின் தாக்குதலுக்கு பணியமாட்டேன் என சிரியா ஜனாதிபதி பஷர் அல் அசாத்
தெரிவித்துள்ளார்.
ஜனாதிபதி பஷர் அல் அசாத்துக்கு எதிராக போராட்டம் தீவிரம் அடைந்து வருகிறது. இந்த
போராட்டத்தை ஒடுக்க இராணுவ வன்முறைகளை சிரியா மேற்கொண்டு வருகிறது.
இந்த இராணுவ நடவடிக்கையை உடனடியாக நிறுத்த வேண்டும் என சர்வதேச நாடுகள்
வலியுறுத்துகின்றன. இந்த நிர்ப்பந்தம் தீவிரமான போதும் தீவிரவாதிகளின் தாக்குதலுக்கு
பணிய மாட்டேன் என அசாத் எச்சரிக்கை விடுத்தார்.
சிரியா தாக்குதலை உடனடியாக நிறுத்தக் கோரி அந்த நாட்டின் தலைநகர் டமஸ்கசில் துருக்கி
வெளியுறவு அமைச்சர் அகமது தாவூதோகுளு நேற்று சந்தித்தார். இச்சந்திப்பு 7 மணி நேரம்
நீடித்தது.
இந்த சந்திப்புக்கு பின்னர் அசாத் பேசுகையில், ‘எதிர்ப்புகளுக்கு பணியமாட்டேன்’ என
திட்டவட்டமாக தெரிவித்தார். நேற்று முன்தினம் இராணுவ தாக்குதலில் 30 பேர்
கொல்லப்பட்டதாக தகவல்கள் வெளியாகி உள்ளன.
கடந்த மார்ச் மாத மத்தியில் இருந்து சிரியாவில் போராட்டம் நடந்து வருகிறது. கடந்த 5
மாதத்தில் இதுவரை 1700 அப்பாவி பொதுமக்கள் கொல்லப்பட்டு உள்ளனர்.

பல ஆயிரம் பேரை சிரியா அரசு கைது செய்து சிறையில் அடைந்துள்ளது. இதற்கிடையே அசாத்
அரசு மீது புதிய தடை விதிக்க அமெரிக்கா முடிவு செய்துள்ளது. நிதி மற்றும் வர்த்தக
கட்டமைப்பு துறைகளில் தடை விதிக்க அமெரிக்கா முடிவு செய்துள்ளது

அரசு மீது புதிய தடை விதிக்க அமெரிக்கா முடிவு செய்துள்ளது. நிதி மற்றும் வர்த்தக
கட்டமைப்பு துறைகளில் தடை விதிக்க அமெரிக்கா முடிவு செய்துள்ளது.
இந்த அமெரிக்க நாட்டாமையை ,கேட்க யாருமில்லையா ?

kalainilaa wrote:அரசு மீது புதிய தடை விதிக்க அமெரிக்கா முடிவு செய்துள்ளது. நிதி மற்றும் வர்த்தக
கட்டமைப்பு துறைகளில் தடை விதிக்க அமெரிக்கா முடிவு செய்துள்ளது.
இந்த அமெரிக்க நாட்டாமையை ,கேட்க யாருமில்லையா ?

@. @. @. @.