சுரங்க ஊழல் எடியூரப்பாவிடம் விசாரணை தொடங்கியது

பெங்களூர், ஆக 14-


கர்நாடக
முன்னாள் முதல் மந்திரி எடியூரப்பா சுரங்க ஊழல் புகாரால் தனது பதவியை
இழந்தார். அவர் மீதான புகார் குறித்து லோக் ஆயுக்தா சிறப்பு நீதிமன்றம்
விசாரணை நடத்தி வருகிறது. ஷிமோகா மாவட்டத்தில் பத்ரா மேலணை திட்டப்பணியை
ஒப்பந்ததாரருக்கு ஒப்படைத்ததில் முறைகேடு நடந்ததாக எடியூரப்பா மீது
மதசார்பற்ற ஜனதா தள செய்தி தொடர்பாளர் ஒய்.எஸ்.வி. தத்தா லோக் ஆயுக்தா
போலீசில் புகார் கொடுத்தார்.

தனது புகாரில் பத்ரா
மேலணை கட்ட பிரபல தொழில் அதிபர் ஆர்.என். ஷெட்டிக்கு சொந்தமான ஆர்.என்.எஸ்.
இன்ப்ராஸ்ட்ரக்சர் நிறுவனத்தின் கீழ் செயல்படும் முருடேஸ்வர் மின்
கழகத்துக்கு ஒப்பந்தம் வழங்கப்பட்டது. ஜோதி, கிர்லோஸ்கர், சேகர் ஆகிய
நிறுவனங்களை விட இந்த நிறுவனம் அதிக பட்சமாக ரூ.1,030 கோடி ஏலத் தொகை
குறிப்பிட்டு இருந்தது. இருந்தாலும் இந்நிறுவனத்துக்கு ஒப்பந்தம்
வழங்கப்பட்டது.

இதற்காக எடியூரப்பா குடும்பத்தினர்
நடத்தும் தவளகிரி டெவலப்பர்ஸ், மற்றும் சாஹ்யாத்ரி ஹெல்த்கேர்
நிறுவனங்களுக்கு ரூ.13 கோடி வங்கி கணக்கில் போடப்பட்டது என்று
கூறியிருந்தார். இந்த புகார் மனுவை விசாரணைக்கு ஏற்றுக் கொண்ட லோக்
ஆயுக்தா சிறப்பு நீதிமன்றம் இது குறித்து விசாரணை நடத்த லோக் ஆயுக்தா
போலீசாருக்கு உத்தரவிட்டது.

இதையடுத்து போலீசார்
தங்கள் விசாரணையை தொடங்கினார்கள். முதல் கட்டமாக கர்நாடக நீர்ப்பாசன
நிறுவனம், நீர் வளத்துறையிடம் புகார் தொடர்பான ஆவணங்களை திரட்டும் பணியில்
இறங்கி உள்ளனர். மேலும் புகார் குறித்து விளக்கம் கேட்டு எடியூரப்பா
மற்றும் அவரது குடும்ப உறுப்பினர்கள் தொழில் அதிபர் ஆர்.என். ஷெட்டி
ஆகியோருக்கு நோட்டீசு அனுப்பப்பட்டது.

அரசியல் முக்கியத்துவம் வாய்ந்த இந்த புகார் குறித்து விசாரணை தொடங்கி இருப்பது கர்நாடக அரசிய லில் பரபரப்பை ஏற்படுத்தியுள்ளது.

இவன் ஒரு போக்கிரி நண்பன் ..தமிழகத்தில் உள்ள ஹோக்கேனக்கல் கர்னாடகாவுக்கு சொந்தம் என்று போலி போராட்டம் நடத்தி மக்களை ஏமாற்றி ஆட்சிக்கு வந்தவன் .சட்டசபையில் சபா நாயகரை கையில் போட்டுக்கொண்டு சுயேட்சை எம் எல் ஏ வைக்கூட பதவி நீக்கம் செய்து தன் ஆட்சியைக் காப்பாற்றிக் கொண்டவன் .பயங்கர கேடி .இவனுக்கு ஓட்டு போட்ட மக்களை ஜோட்டால் அடிக்க வேண்டும்