அப்பாவி மக்களின் வாழ்க்கையை சீர்குலைக்கும் இவனுக்கு மரண தண்டனை கிடைக்குமா?

by **நண்பன்** Wed 17 Aug 2011 - 4:13

அப்பாவி மக்களின் வாழ்க்கையை சீர்குலைக்கும் இவனுக்கு மரண தண்டனை கிடைக்குமா?
பொதுவாக போதைவஸ்து க்கள் நகரப்புறங்களில் தான் அதிகமாக விற்பனை செய்யப்படுவதுண்டு. ஆனால், இன்று போதைவஸ்து விற்பனையில் ஈடுபட்டு கோடிக்கணக்கான ரூபா இலாபமீட்டும் இந்த சமூக விரோதிகள் மண்வாசனையுடைய கிராமத்து மக்களுக்கும் இத்தீய பழக்கத்தை ஏற்படுத்தும் ஒரு மன்னிக்க முடியாத குற்றச் செயலை செய்து வருகிறார்கள்.

இத்தகைய ஒரு துரோகச் செயலில் ஈடுபட்ட ஒரு பாரிய போதைவஸ்து வர்த்தகர் 640 மில்லிகிராம் போதைவஸ்துடன் அம்பலாந்தோட்டையில் வைத்து கைது செய்யப்பட்டுள்ளார்.

பொலிஸாருக்கு கிடைக்கப்பெற்ற இரகசிய தகவலை அடுத்து, திடீரென்று அம்பலாந்தோட்டை நகரத்தில் சோதனையொன்றை மேற்கொண்ட போதே இந்த மனிதனின் நடமாட்டம் பற்றி பொதுமக்களிடம்பெற்ற தகவலை அடுத்து கைது செய்யப்பட்டான்.

கைது செய்யப்படும் போது இந்த சமூக விரோதி இன்னுமொரு போதைவஸ்து வர்த்தகருக்கு விற்பனை செய்து கொண்டிருந்ததாக பொலிஸார் தெரிவித்தனர்.

நீதிமன்றத்தில் நிறுத்தப்படவுள்ள இந்த மனிதனுக்கு இலங்கை சட்டத்தின் படி மரண தண்டனையை வழங்குவதற்கான அதிகாரம் நீதிபதிகளிடம் இருக்கின்றது. அவனது தலைவிதியை நீதி தேவன் உரிய நேரத்தில் நிர்ணயிப்பார்.