4-ம் எண் ஜெயிலில் தூங்கிய அன்னாஹசாரே

புதுடெல்லி, ஆக. 17-


73
வயதாகும் காந்தியவாதியான அன்னா ஹசாரே அகிம்சை முறையில் உண்ணாவிரதம் இருக்க
தயாரானபோது டெல்லி போலீசார் அவரை கைது செய்து திகார் ஜெயிலில் காவலில்
வைத்துள்ளனர்.

மத்திய அரசு அவரை விடுதலை செய்ய
உத்தரவிட்ட பிறகும் வெளியே வர மறுத்து ஜெயிலில் உண்ணாவிரதம் இருந்து
வருகிறார். அவருக்கு 4-ம் எண் ஜெயில் ஒதுக்கப்பட்டுள்ளது. இங்கு அவரும்
அவருடன் கைதான சிலரும் உள்ளனர். நேற்று இரவு முழுவதும் ஜெயில் அதிகாரிகள்
மாறி மாறி வந்து அவருடன் பேச்சு நடத்துவதும் பின்னர் உயர் அதிகாரிகளுக்கு
தகவல் சொல்வதுமாக பரபரப்பாக இருந்தனர்.

நள்ளிரவுக்குப்
பின் அன்னாஹசாரே ஜெயிலில் தனக்கு ஒதுக்கப்பட்ட அறையில் தூங்கச் சென்றார்.
அவருக்கு ஜெயில் ஊழியர்கள் போர்வை, தலையணை கொடுத்தனர். இரவு நன்றாக தூங்கிய
அவர் அதிகாலை 5 மணிக்கு எழுந்து விட்டார். இன்று காலையும் அவர் எதுவும்
சாப்பிடாமல் உண்ணாவிரதம் இருந்தார்.

ஜெயிலில் அன்னா
ஹசாரே இருக்கும் அறை அருகேதான் பல்வேறு ஊழல் வழக்குகளில் கைதானவர்களும்
அடைக்கப்பட்டுள்ளனர். இதை அறிந்த அவரது ஆதரவாளர்கள் ஊழலில்
கைதானவர்களுக்கும், ஊழலை எதிர்ப்பவருக்கும் ஒரே இடமா? என கோஷமிட்டனர்.

இதுபற்றி
திகார் ஜெயில் டைரக்டர் ஜெனரல் நீரஜ்குமாரிடம் கேட்டபோது அன்னாஹசாரேயும்
அவருடன் கைதானவர்களும் புதிதாக வருபவர்களுக்கான வார்டு பிரிவில்
வைக்கப்பட்டுள்ளனர். இதன் அருகே தான் சுரேஷ்கல்மாடி இருக்கிறார். என்றாலும்
அன்னா ஹசாரேயை அவருடன் சேர்க்காமல் தனியாக பிரித்து வைத்து இருக்கிறோம்.
அவர்களுக்கு தனியாக பாதுகாப்பு போட்டு இருக்கிறோம்.எங்கள் கண்காணிப்பில்
அன்னாஹசாரே பாதுகாப்பாக இருக்கிறார் என்றார்.

நேற்று
இரவு அன்னா ஹசாரேயின் உதவியாளர் மணிஷ்சிகோடியா ஜெயிலுக்கு சென்று அன்னா
ஹசாரேயை சந்தித்து பேசினார். பின்னர் வெளியே வந்த அவர் அங்கு
கூடியிருந்தவர்கள் மத்தியில் அன்னா ஹாசாரே ஜெயிலை விட்டு வெளியறே மறுத்த
தகவலையும், ஜெயிலில் உண்ணாவிரதம் இருப்பதையும் தெரிவித்தார். அவர்
பேசியதாவது:-

அன்னா ஹசாரேவுக்கு ஜாமீன் அளிப்பதாக
போலீசார் தெரிவித்தனர். போலீசார் விதித்த நிபந்தனையை அவர் ஏற்கவில்லை.
ஜெயிலை விட்டு வெளியேற மறுத்து ஜெயிலுக்குள் உண்ணாவிரதம் இருக்கிறார்.

ஜெ.பி.
பூங்காவில் உண்ணாவிரதம் தொடங்கும் முன்பே கைது செய்யப்பட்டதை அவர் விரும்ப
வில்லை. ஜெயிலில் இருந்து எப்போது வெளியே வருவார் என்பதை இப்போது கூற
முடியாது.

இவ்வாறு அவர் கூறினார்.

மாலை மலர்

முதலில் அன்னா ஹ்சாரேயை காந்தியவாதி என்று சொல்வதை நிறுத்த வேண்டும் ,,இவன் காந்தியைக் கொன்ற சங்பரிவார் இயக்கத்தை சேர்ந்தவன் ..பெரிய அரகட்டளை நடத்தி மக்களின் பணத்தை கொள்ளையடித்து சுகித்தவன் .அரக்கட்டலையின் பொது பணத்தில் சுமார் மூன்று லட்சம் ரூபாயில் பிறந்த நாள் கொண்டாடியவன் ..அயோக்கியன்

எல்லாம் வெளிவேசம் .நாடகம் நடக்கட்டுமே .