லண்டன் கலவரத்தின்போது 3 பேரை கார் ஏற்றி கொன்றவர்கள் கைது

by **நேசமுடன் ஹாசிம்** Fri 19 Aug 2011 - 17:06

லண்டனில் கடந்த வாரம் நடந்த கலவரத்தின்போது 3 பேரை கார் ஏற்றி கொன்றவர்களை போலீசார் கைது செய்துள்ளனர்.

இங்கிலாந்தில் கடந்த வாரம் நடந்த கலவரத்தின்போது பர்மிங்காம் நகரில் பாகிஸ்தானை சேர்ந்த அண்ணன்-தம்பிகள் சஜாத் அலி, அப்துல் முசாவிர் மற்றும் ஹரூன் ஜகன் ஆகிய 3 பேர் கார் ஏற்றி நசுக்கி கொல்லப்பட்டனர். இது தொடர்பாக ஏற்கனவே 17 முதல் 26 வயது உள்ள 3 பேர் நீதிமன்றத்தில் சரண் அடைந்து உள்ளனர். மேலும் ஒருவர் கைது செய்யப்பட்டு இருக்கிறார். அவருக்கு 30 வயது இருக்கும். அவர் இன்று (வெள்ளிக்கிழமை) நீதிமன்றத்தில் ஆஜர்படுத்தப்பட இருக்கிறார்.

இதற்கிடையில் கொலை செய்யப்பட்ட 3 பேரின் உடல்கள் அவர்களுடைய உறவினர் வசம் ஒப்படைக்கப்பட்டது. அவர்கள் மரணத்துக்காக திறந்தவெளியில் பிரார்த்தனை கூட்டம் நடந்தது.