அரசு கேபிள் டி.வி.யில் 38 ஆயிரம் ஆபரேட்டர்கள்:கட்டணச் சேனல்களை பெற பேச்சுவார்த்தை

சென்னை, ஆக. 21-

கேபிள் டி.வி. அரசுடமையாக்கப்படும் என்று முதல்-அமைச்சர் ஜெயலலிதா அறிவித்தார். இதையடுத்து அரசு கேபிள் டி.வி. நிறுவனம் அமைக்கப்பட்டது. இந்த நிறுவனத்தின் தலைவராக உடுமலைப் பேட்டை ராதா கிருஷ்ணனும், மேலாண் இயக்குனராக ஐ.ஏ.எஸ். அதிகாரி ஜெயராமனும் நியமிக்கப்பட்டனர்.

அரசு கேபிள் டி.வி. நிறுவனத்தில் இணைவதற்கு கேபிள் ஆபரேட்டர்களுக்கும், சிக்னல் பெற்று விநியோகிப்பவர்களுக்கும் (எம்.எஸ்.ஓ.) வாய்ப்பு வழங்கப்பட்டது. இதற்கான காலக்கெடு கடந்த 9-ந் தேதியுடன் முடிவடைந்தது.அரசு விதித்த காலக்கெடுவுக்குள் 38 ஆயிரம் ஆபரேட்டர்கள் அரசு கேபிள் டி.வி.யில் இணைந்துள்ளனர்.

28 ஆயிரம் ஆபரேட்டர்களும், சேனல்களுக்கான சிக்னல்களை நேரடியாக பெறும் 10 ஆயிரம் எம்.எஸ்.ஓ.க்களும் அரசு கேபிள் டி.வி. நிறுவனத்தில் இணைந்து இருப்பதாக அதிகாரிகள் தெரிவித்தனர்.

இதையடுத்து 2 மாவட்டங்களுக்கு ஒருவர் வீதம் 15-க்கும் மேற்பட்ட தொழில் நுட்ப ஆலோசகர்கள் நியமிக்கப்பட்டுள்ளனர். தஞ்சை, நெல்லை, கோவை, வேலூர் ஆகிய இடங்களில் உள்ள கட்டுப்பாட்டு அறைகளை செயல்பட வைப்பதற்கான பணிகள் முடுக்கி விடப்பட்டுள்ளன.

இதற்கிடையே பொதுமக்கள் விரும்பி பார்க்கும் சில டி.வி. சேனல்கள் கட்டண சேனல்களாக உள்ளன. அந்த சேனல்களை அரசு கேபிள் டி.வி.க்குள் கொண்டு வர பேச்சு வார்த்தை நடந்து வருகிறது.

தற்போது அதிகாரிகள் மட்டத்தில் பேச்சு நடக்கிறது. கட்டண சேனல்களின் உரிமையாளர்களையோ அல்லது முகவர்களையோ அழைத்து பேசி அவர்களுக்கு எவ்வளவு தொகை என்பதை நிர்ணயிக்க வேண்டும் என்றும் இதில் முதல்-அமைச்சரே நேரடியாக தலையிட வேண்டும் என்றும் ஆபரேட்டர்கள் கோரிக்கை விடுத்துள்ளனர்.

மேலும் கேபிள் டி.வி. குறித்த தொழில் நுட்பம் தெரிந்தவர்களையே மாவட்டந்தோறும் ஆலோசகர்களாக நியமிக்க வேண்டும் என்று அவர்கள் வற்புறுத்தியுள்ளனர்.

நல்ல முடிவு ஜெ ஜெ செய்யும் உருப்படியான காரியம்

jasmin wrote:நல்ல முடிவு ஜெ ஜெ செய்யும் உருப்படியான காரியம்

சன் டிவிக்காக எடுக்கப்பட்ட முடிவு என்றாலும் ,நல்லவையே .விரைவில் கிடைக்க
வாழ்த்துவோம் .