பன்றிக்காய்ச்சல் நோய் கண்டறிவுக்கு ரூ.3 ஆயிரம் மட்டுமே கட்டணம் : தமிழக அரசு

by **நேசமுடன் ஹாசிம்** Mon 9 Apr 2012 - 11:14

பன்றிக்காய்ச்சல் நோய் கண்டறிய தனியார் ஆய்வகங்கள் இனி ரூ.3 ஆயிரம் மட்டுமே வசூலிக்க வேண்டும் என தமிழக அரசு உத்தரவிட்டுள்ளது.

பொதுமக்களின் நலன் கருதி, லாப நோக்கமின்றி பன்றிக் காய்ச்சல் நோய் கண்டறிய தரமான ஆய்வக பரிசோதனையான ஆர்டி-பிசிஆர் செய்வதற்கு ரூ.5 ஆயிரம் முதல் ரூ.7 ஆயிரம் வரை இருந்த கட்டணத்தை குறைத்து ரூ.3 ஆயிரம் மட்டுமே ஓரே சீரான முறையில் அனைத்து அங்கீகரிக்கப்பட்ட தனியார் ஆய்வகங்கள் மக்களிடம் கட்டணமாக பெற வேண்டும் என அமைச்சர் டாக்டர் வி.எஸ்.விஜய் உத்தரவிட்டார். இதை அங்கீகரிக்கப்பட்ட ஆய்வக உரிமையாளர்களும் ஏகமனதாக ஏற்றுக் கொண்டனர்.

இந்நிலையில் இந்நோய் அறிகுறியை கண்டறிய ரூ 7 ஆயிரம் கட்டணமாக வசூலித்து வந்த தனியார் ஆய்வககங்கள் உடனடியாக இவ்விலை குறைப்பை அமல்படுத்த வேண்டும் என தமிழக அரசு உத்தரவிட்டுள்ளது.

மேலும் பன்றிக் காய்ச்சல் நோய் குறித்த பரிசோதனை விவரங்களை தினமும் அரசுக்கு உடனுக்குடன் தெரிவிக்க அனைத்து அங்கீகரிக்கப்பட்ட ஆய்வகங்களும் அறிவுறுத்தப்பட்டுள்ளளன. அத்துடன் இந்த தனியார் ஆய்வகங்களில் மேற்கொள்ளப்படும் பரிசோதனை அரசின் கிங் நிலைய ஆய்வகத்தின் மூலமாக தரக் கட்டுப்பாட்டிற்கு உட்படுத்தப்பட்டு சரியான ஆய்வக பரிசோதனை மேற்கொள்ள வ‌ே‌ண்டு‌மெனவும் அரசு தெரிவித்துள்ளது.