ஹஜ் பயண கட்டணம் ரூ. 3 இல. 40 ஆயிரம்

by **நண்பன்** Sun 16 Oct 2011 - 8:41

ஹஜ் பயண கட்டணம் ரூ. 3 இல. 40 ஆயிரம்

அதிக கட்டணம் அறவிடுவோர்
தண்டிக்கப்படுவார்கள்

எம்.எஸ். பாஹிம்

ஹஜ் பயண கட்டணம் ரூ. 3 இல. 40 ஆயிரம் N1110155-1

அரசாங்கம் அறிவித்துள்ள ஹஜ் கட்டண உச்சத் தொகையான 3 இலட்சத்து 40ஆயிரம் ரூபாவுக்கு
அதிகமாக அறவிடும் ஹஜ் முகவர் நிறுவனங்களுக்கு எதிராக ஹஜ்ஜாஜிகள் தங்களுக்கு
முறைப்பாடு செய்தால், அந்த முறைப்பாடுகள் குறித்து ஒரு குழுவை நியமித்து தக்க
விசாரணைகள் மேற்கொண்டு, சம்பந்தப்பட்ட ஹஜ் முகவர்கள் கூடுதலான தொகையை
அறவிட்டிருப்பது இந்த குழுவின் விசாரணையின் மூலம் ஊர்ஜிதம் செய்யப்பட்டால்,
சம்பந்தப்பட்டவர்களுக்கு எதிராக நான் தீவிர சட்ட நடவடிக்கை எடுப்பேன் என்று ஹஜ்
குழுவுக்கு பொறுப்பான சிரேஷ்ட அமைச்சர் அல்ஹாஜ் ஏ.எச்.எம். பெளசி தினகரனுக்கு
தெரிவித்தார்.

இப்போது இந்த ஹஜ்ஜாஜிகள் இத்தகைய முறைப்பாடுகளை செய்தால் நாம்
சம்பந்தப்பட்ட முகவர்களுக்கு எதிராக நடவடிக்கை எடுப்பது ஒரு கடினமான விடயமென
தெரிவித்த அமைச்சர் பெளசி, நாம் அவ்விதம் செய்தால் சம்பந்தப்பட்ட ஹஜ்ஜாஜிகளுக்கு
மக்கா சென்று தமது ஹஜ் கடமைகளை நிறைவேற்ற முடியாத நிலை ஏற்படும் என்றும், ஆகவே, ஹஜ்
புனித கடமைகளை முடித்துக் கொண்டு நாடு திரும்பிய பின்னர், அவர்கள் தங் களிடம் 3
இலட்சத்து 40ஆயிரம் ரூபா வுக்கும் கூடுதலான கட்டணத்தை அறவிட்டார்கள் என்று ஹஜ்
முகவர்களுக்கு எதிராக முறைப்பாடு செய்தால், அந்த முறைப்பாடுகள் ஒரு கமிட்டியினால்
நடுநிலையாகவும், நேர்மையாகவும் விசாரணை செய்து சம்பந்தப்பட்டவர்கள்
குற்றமிழைத்திருந்தால் கடும் நடவடிக்கை எடுக்கப்படும் என்று கூறினார்.
கடந்த ஆண்டில் ஹஜ் கடமைகளை செய்வதற்கு சென்ற ஹஜ்ஜாஜிகளிடம் நாலரை லட்சம் ரூபா முதல்
5 இலட்சம் ரூபா வரை அறவிட்ட பல சம்பவங்கள் பற்றி தமக்கு தகவல் கிடைத்திருந்ததாகவும்
சுட்டிக்காட்டிய அமைச்சர், நியாயமற்ற முறையில் ஹஜ்ஜாஜிகளிடம் கூடுதலான பணம் அறவிடும்
ஹஜ் முகவர்கள் நிச்சயம் தண்டிக்கப்படுவார்கள் என்றும் அமைச்சர் பெளசி மேலும்
தெரிவித்தார்.
முஸ்லிம் சமய கலாசார திணைக்களத்தின் பணிப்பாளர் வை.எல்.எம். நவவி, கூடு தல் தொகை
அறவிட இடமளிக்க முடி யாது எனவும் இது தொடர்பாக திணைக் களத்திற்கு புகார்கள்
கிடைக்குமாயின், உடனுக்குடன் நடவடிக்கை எடுக்கப்படும் எனவும் குறிப்பிட்டார். ஆனால்
இதுவரை எவரும் எமக்குப் புகார் செய்யவில்லை என்றும் அவர் கூறினார்.
இம்முறை ஹஜ் கடமையை நிறைவேற்ற இலங்கையில் இருந்து 3800 ஹஜ் யாத்திரிகர்கள்
செல்லவுள்ளதோடு, இது வரை 2 ஆயிரம் பேர் மக்கா சென்றுள்ளனர். இறுதி ஹஜ் குழு நவம்பர்
2ம் திகதி அங்கு செல்லும் எனவும் அவர் குறிப்பிட்டார்.
இதேவேளை ஹஜ் யாத்திரையின் போது விபத்துக்குள்ளாகி இறந்த இரு இலங்கையினரதும் ஜனாஸா
நல்லடக்கம் மக்காவில் இடம்பெற்றதாகவும் அவர் கூறினார்.