மயிலாப்பூரில் 4 பெண்களை ஏமாற்றி திருமணம் செய்தவர் கைது

by **நண்பன்** Mon 22 Aug 2011 - 4:49

மயிலாப்பூரில் 4 பெண்களை ஏமாற்றி திருமணம் செய்தவர் கைது
மயிலாப்பூர் மந்தைவெளி பாக்கத்தைச் சேர்ந்தவர் கிறிஸ்டோபர் காந்தி (40) இவர் மினரல் வாட்டர் கம்பெனியில் வேலை பார்க்கிறார். கடந்த 2007ம் ஆண்டு ஆரோக்கிய மேரி ரோசி (25) என்ற பெண்ணை காதலித்து திருமணம் செய்து கொண்டார்.

ஏற்கனவே 3 பெண்களை திருமணம் செய்து கொண்ட விவரம் ஆரோக்கியமேரி ரோசிக்கு தெரிய வந்தது.

தான் ஏமாற்றப்பட்டதை உணர்ந்த அவர் கணவர் மீது மயிலாப்பூர் மகளிர் பொலிஸ் நிலையத்தில் புகார் செய்தார். புகாரில் தனது கணவர் விஜயலட்சுமி, மீனா, உட்பட 3 பெண்களை திருமணம் செய்து உள்ளார். 3வது பெண்ணின் பெயர் எனக்கு தெரியவில்லை.

4வதாக என்னை ஏமாற்றி மணந்து உள்ளார். அவர் மீது நடவடிக்கை எடுக்க வேண்டும் என்று கூறியுள்ளார். பொலிஸார் வழக்குப் பதிவு செய்து கிறிஸ்டோபர் காந்தியை கைது செய்தனர். அவர் மீது மோசடி உட்பட பல பிரிவுகளில் வழக்குப் பதிவு செய்யப்பட்டுள்ளது.

கைதான கிறிஸ்டோபர் காந்தி கடந்த சில மாதங்களுக்கு முன்பு நாமக்கல்லில் லஞ்ச ஒழிப்பு பொலிஸ் சப் இன்ஸ்பெக்டர் எனக்கூறி கிராம அதிகாரியை மிரட்டி பணம் பறித்துள்ளார்.

இதில் அவர் கைது செய்யப்பட்டார். இந்த செய்தி புகைப்படத்துடன் பத்திரிகையில் வெளிவந்தது. இது ஆரோக்கிய மேரிக்கு தெரிய வரவே அவர் விசாரித்தார். அப்போது கிறிஸ்டோபர் காந்தி ஏற்கனவே 3 பெண்களை திருமணம் செய்தது உறுதியானது. இதையடுத்து அவர் பொலிஸில் புகார் செய்தார்.