குரு வணக்கம்

by **மீனு** Wed 24 Aug 2011 - 0:31

குரு வணக்கம்
==========================

அன்பினாலே கல்வியை

அறியச் சொல்லித் தருபவர்

பண்பும் அறிவும் பயன் பெற

படிக்கச் செய்யும் குரு அவர்

கல்லுங் கூட கனியுமே

சொல்லுகின்ற முறையிலே

முள்ளுங்கூட மெத்தை தான்

உணர வைக்கும் வகையிலே

அன்னை தந்தை இருவரும்

முன்னறிந்த தெய்வமே

எண்ணும் எழுத்தும் அறிந்திட

செய்தவரும் தெய்வமே

ஏறிச் செல்லும் படிகளாய்

என்று மிங்கே இருப்பவர்

எரிய வைக்கும் திரியென

ஒளியைச் சுமந்து நிற்பவர்

கற்க கற்க கசடற

கற்றது போல் நடந்திட

சொல்லில் சுவை சேர்த்திடும்

சூட்சமத்தின் சாவியே

ஞானம் தந்த மனிதரை

நாளும் நாமும் வணங்குவோம்

நாமும் அவரைப் போலவே

உலகம் உய்ய வாழுவோம்