மாலைதீவு அரசுக்கு இலங்கை வங்கி 10 மில்.டொலர் கடன் உதவி

by **நண்பன்** Thu 25 Aug 2011 - 4:21

மாலைதீவு அரசுக்கு
இலங்கை வங்கி
10 மில்.டொலர் கடன் உதவி

மகேஸ்வரன் பிரசாத்

இலங்கை வங்கி, மாலைதீவு அரசாங்கத்துக்கு 10 மில்லியன் அமெரிக்க டொலர் கடனுதவியை
வழங்கியுள்ளது. இலங்கையின் பழ மற்றும் மரக்கறி ஏற்றுமதித் துறையை ஊக்குவிக்கும்
வகையிலேயே இந்தக் கடனுதவி மாலைதீவுக்கு வழங்கப்பட்டிருப்பதாக இலங்கை வங்கியின்
தலைவர் கலாநிதி காமினி விக்ரமசிங்க தெரிவித்தார்.
மாலைதீவிலுள்ள ஹோட்டல் துறையினர் இலங்கையிலிருந்து பழவகைகள் மற்றும் மரக்கறி வகைகளை
தமது நாட்டுக்கு இறக்குமதி செய்வதற்கே இந்தக் கடனுதவி வழங்கப்பட்டுள்ளது என அவர்
குறிப்பிட்டார். நேற்றைய தினம் இலங்கை வங்கித் தலைமையகத்தில் நடைபெற்ற ஊடகவியலாளர்
சந்திப்பிலேயே அவர் இந்தத் தகவல்களை வழங்கினார்.
இக்கடனுதவி தொடர்பான ஒப்பந்தப் பரிமாற்றம் கடந்த 18ஆம் திகதி கொழும்பில் நடைபெற்றது.
மாலைதீவு ஜனாதிபதி மொஹமட் நiட் மற்றும் இலங்கை வங்கித் தலைவர் கலாநிதி காமினி
விக்ரமசிங்க ஆகியோருக்கிடையில் ஒப்பந்தம் பரிமாறப்பட்டது. இலங்கையின் பழவகைகள்
மற்றும் மரக்கறி வகைகளின் ஏற்றுமதியை ஊக்குவிக்கும் நோக்கிலேயே இக்கடனுதவி
வழங்கப்பட்டுள்ளது. எதிர்காலத்தில் ஏனைய துறைகளுக்கும் இவ்வாறான கடனுதவிகளை வழங்கும்
திட்டம் இருப்பதாக கலாநிதி காமினி விக்ரமசிங்க தெரிவித்தார். அங்கு மேலும் கருத்துத்
தெரிவித்த அவர், மாலைதீவுக்கு குறைந்த ளவு நிதி, கூடிய வட்டிக்குக் கடனாக
வழங்கப்பட்டுள்ளது என வெளியாகி யிருக்கும் செய்திகளில் எவ்விதமான உண்மையும் இல்லை
என்றார்.