பிரதமர் வீட்டை மாலை 5 மணிக்கு முற்றுகையிடுங்கள்- அன்னா குழு அழைப்பு

டெல்லி: ஜன் லோக்பால் விவகாரம் மேலும் பெரிதாகிறது. இன்று மாலை 5 மணிக்கு டெல்லியில் உள்ள பிரதமர் மன்மோகன் சிங்கின் அதிகாரப்பூர்வ இல்லத்தை முற்றுகையிட வருமாறு அன்னா குழு அழைப்பு விடுத்துள்ளது. இதனால் பரபரப்பும் பதட்டமும் அதிகரித்துள்ளது.

இன்று முற்பகல் தனது உடல் நலிவையும் பொருட்படுத்தாமல் ஆதரவாளர்களிடையே அன்னா பேசினார். அப்போது அவர் கூறுகையில், கடந்த சில நாட்களில் எனது எடை வெகுவாக குறைந்துள்ளது. ஆனால் நான் கவலைப்படவில்லை. இப்படியே இன்னும் சில நாட்கள் என்னால் உண்ணாவிரதம் இருக்க முடியும்.

இந்த அரசு ஜன் லோக்பால் மசோதாவை நிறைவேற்ற வேண்டும். அது முடியும் வரை நான் சாக மாட்டேன். ஜன் லோக்பால் மசோதா நிறைவேறுவதைப் பார்க்காமல் நான் சாக மாட்டேன். எனவே யாரும் கவலைப்பட வேண்டாம்.

எனக்குப் பின்னால் கடவுள் இருக்கிறார். எனக்கு முன்னாள் இந்த தேசமே இருக்கிறது. இது போதும் என்றார் அன்னா.

பின்னர் பேசிய அன்னா குழுவினர், இன்று மாலை 5 மணிக்கு பிரதமர் மன்மோகன் சிங்கின் அதிகாரப்பூர்வ இல்லத்தை முற்றுகையிட்டுப் போராட்டம் நடத்த வருமாறு அன்னா ஆதரவாளர்களுக்கும், பொது மக்களுக்கும் வேண்டுகோள் விடுத்தனர்.

ஏற்கனவே எம்.பிக்கள், அமைச்சர்கள் வீடுகளை ஊழல் ஒழிப்பு இயக்கத்தினர் முற்றுகையிட்டுப் போராட்டம் நடத்தி வருகின்றனர். அஸ்ஸாமில் உள்ள பிரதமரின் இல்லத்தையும் அவர்கள் முற்றுகையிட்டனர். இந்த நிலையில் டெல்லியில் உள்ள வீட்டைமுற்றுகையிடுமாறு அழைப்பு விடுக்கப்பட்டுள்ளதால் பரபரப்பு ஏற்பட்டுள்ளது.

இது கலவரத்தை துண்டும் செய்யல .உடனே இதற்க்கு தக்க நடவைடிக்களை எடுக்கணும் .இப்படி முற்றுகை போராட்டமே ,பின்
வன்முறையை ஆக்கி ,ஆட்சி மாற்றத்தை கொண்டு செல்ல ,வேண்டி விஷமிகள் செய்து வருகிறார்கள் .அமெரிக்க ,பிஜேபி
உள் விளையாட்டு .இது .

ஒன்றுமே புரியலயே என்ன நடக்கப்போகிறதோ பிரதமர் அமைதியாக உள்ளார் {))