உன்னிடம் ஒரு கேள்வி......?

by **முனாஸ் சுலைமான்** Sat 27 Aug 2011 - 21:18

உன்னிடம் ஒரு வினா?
அரிவாள் அமைப்பின்
உர்வாய் அமைந்த
றம்ஷான் பிறையே........

உன்னையே நாங்கள்
வழிபார்த்திருந்தோம்
உன்னையே வாழ்த்தி
வரவேற்கின்றோம்..

வெட்டி எறியும் நகத்தின் வடிவம்
வெட்டி எடுத்த சுரக்காய் உருவம்
தொட்டி தழுவும் தோகையின் அழகு
பட்டுச்சொலிக்கும் நெற்றியின் பருவம்....
இட்ட கவிகளின் இத்தனை உவமை
கிட்ட நெருங்க முடியா கீர்த்தி
சொட்டும் புதிய றம்ஷான் பிறையே..

உன்னையே நாங்கள்
வழிபார்த்திருந்தோம்
உன்னையே வாழ்த்தி
வரவேற்கிறோம்

உலக முஸ்லீம்கள்
ஒவ்வொரு வீட்டிலும்
உனது வரவுக்கு வாசல் திறக்கும்
உலக முஸ்லீம்கள் ஒவ்வொரு
”மஸ்ஜித்” திலும்
உனது வரவுக்கு வாழ்த்துக்கள் கிடைக்கும்

முப்பது நாட்கள் மலரும் மலரின்
முதல் பத்து நாளில்
”ரஹ்மத்” என்னும் அருளினைக்கேட்போம்
அடுத்து மலரும் நடுப்பத்து நாளில்
“மஹ்பிறத்” என்னும் மன்னிப்பைக்கேட்போம்
கடைசியாய் மலரும் முப்பதாம் பத்தில்
“இத்ஹும்மினன்னார்” என்னும் நரக
வேதனை மீள்வோம்.........
என்று மனதில்
திடங்கள் பூண்டு
எம்மவர் உம்மை வழி பார்த்திருப்பர்..!
என்று தெரியும்
உன் முகம் என்று
வாசல்கள் தோறும் கோலங்கல் இடுவர்
வழி நெடுகிலும் வாழ்த்துப்பா இசைப்பர்..!

உன்னிலிருந்து உதிக்கும் புனிதம்
”லைலத்துல் கத்ர்” ரில்
கண் விளித் திருப்போம்
கைகலை ஏந்தி “துஆ” க்கள் கேட்போம்
“கபூல்” செய்குவாய் இறைவா என்றே
கண்ணீர் சிந்தி கவலைகள் தோய்வோம்
என்றும் அவர்கள் எண்ணி இருப்பர்
எப்பொழுது உனது பொன் முகம் தெரியும்
என்று வாசலில் வழி பார்த்திருப்பர்

அரிவாள் அமைப்பின்
உருவாய் அமைந்த
“றம்ஷான்” பிறையே
உனது வரவை
வழிபார்க்கும் நாளில்
உன்னை வாழ்த்தி
வரவேற்க்கும் போதில்
உன்னிடம் ஒரு வினா
விடுக்க நான் விரும்பினேன்....?

முப்பது நாட்கள்
நோன்பு நோற்பவர்
வாழும் பூமியில்
முந்நூறு நாட்கள்
நோன்பாய் இருப்பவர்
வாழ்தல் சரியா?
முப்பது நாட்கள்
சில பேர் பட்டினி கிடக்க
முந்நூறு நாட்கள் சில பேர்
பட்டினி கிடப்பது சரியா?
இஸ்லாம் சொன்ன நெறிவழி இதுவா ..?
இப்பெரும் பிணிக்கு ஒளடதம் என்ன.....?
தப்பிதம் எங்கே தனித்துவ மாச்சு..?
தவ/ருகள் எங்கே குடித்தனமாச்சு..?

அரிவாள் அமைப்பின்
உருவாய் அமைந்த
றம்ஷான் பிறையே....
அடுத்த முறை நீ.......
வருகின்ற பொழுது
விடுத்த வினாவுக்கு
விடை கொண்டு வருக.!
உனது வரவு நல்வரவாகுக!!

கலாபூஷணம் ஆசுகவி அன்புடீன் எழுதிய

(இலங்கை வானொலியில் 1982)

by **நண்பன்** Sat 27 Aug 2011 - 21:21

மிகவும் அருமையாக உள்ளது இதில் பல படிப்பினைகளும் சிந்திப்போருக்கு தகவள் உள்ளது நன்றி உங்களுக்கும் கவிமாமணி அன்புடீன் சார் அவர்களுக்கும் வாழ்த்துக்கள்

by **முனாஸ் சுலைமான்** Sat 27 Aug 2011 - 21:25

நண்பன் wrote:மிகவும் அருமையாக உள்ளது இதில் பல படிப்பினைகளும் சிந்திப்போருக்கு தகவள் உள்ளது நன்றி உங்களுக்கும் கவிமாமணி அன்புடீன் சார் அவர்களுக்கும் வாழ்த்துக்கள்

by **மீனு** Sat 27 Aug 2011 - 22:12

by Sponsored content

உன்னிடம் ஒரு கேள்வி......?

உன்னிடம் ஒரு கேள்வி......?

Re: உன்னிடம் ஒரு கேள்வி......?

Re: உன்னிடம் ஒரு கேள்வி......?

Re: உன்னிடம் ஒரு கேள்வி......?

Re: உன்னிடம் ஒரு கேள்வி......?