பொலிஸ¤க்கு பயந்து ஓடியவர் கிணற்றுக்குள் வீழ்ந்து மரணம்

பொலிஸ¤க்கு பயந்து ஓடியவர் கிணற்றுக்குள் வீழ்ந்து மரணம்
தம்புள்ள தினகரன் நிருபர்
கலேவெல பொலிஸ் பிரிவிலுள்ள மகுளுகங்குவெவ- ஹ¥துக்கல கிராமத்தில் குடும்பஸ்தர் ஒருவர் பாழுங் கிணற்றுள் வீழ்ந்து உயிரிழந்துள்ளதாக கலேவெல பொலிஸார் தெரிவிக்கின்றனர்.

இச்சம்பவம் தொடர்பாக மேலும் தெரிய வருவதாவது; நேற்று முன்தினம் சனிக்கிழமை மகுளுகஸ்வெவையில் நடைபெற்ற சங்கீத நிகழ்ச்சியை பார்த்துவிட்டு வெளியேறிய இருகுழுவினர் 28 ஆம் திகதி அதிகாலை மோதலில் ஈடுபட்டனர்.

இதனையடுத்து அங்கு வந்த பொலிஸார் மோதலில் ஈடுபட்ட குழுவினரை விரட்டிள்ளனர்.

இதன்போது இரவு கடமையில் ஈடுபட்டிருந்த பொலிஸார் அப்பகுதியில் நடமாடிய குழு ஒன்றினை விசாரிப்பதற்காக ஜீப் வண்டியில் சென்றபோது பொலிஸ் வண்டியை கண்ட அக்குழுவினர் சிதறியோடியதாகவும் இவ்வாறு சிதறி ஓடியோரில் ஒருவரே வயல் பகுதியில் உள்ள பாழுங் கிணற்றில் வீழ்ந்து உயிரிழந்ததாகவும் கூறப்படுகிறது.

தம்புள்ள- மாவட்ட நீதிமன்றப் பதில் நீதவான் ரத்னசேன ரணசிங்க ஸ்தலத்தில் நேற்று முன்தினம் (27) காலை சென்ற பின் பொலிஸார் மற்றும் பிரதேச வாசிகளின் உதவியுடன் சடலம் மீட்கப்பட்டு விசாரணைகள் மேற்கொள்ளப்பட்டன.

கிணற்றில் விழுந்து உயிரிழந்த எச். பி. குணவர்தன (33 வயது) என்பவரின் மனைவி ஏ.பி. நதிஸானி (31 வயது) தாய் ஆர். பி. ஜேன் நோனா (68 வயது) மற்றும் பிரதேசவாசியான கசுன் மதுஸங்க (18 வயது) ஆகியோர் சாட்சியமளித்தனர். காலஞ் சென்றவர் இரு பிள்ளைகளின் தந்தையாவார்.

அட பாவமே !