ஐஸ்கிaம் உட்கொண்ட 25 பேர் திடீர் சுகயீனம்

by **நண்பன்** Thu 1 Sep 2011 - 11:33

ஐஸ்கிaம் உட்கொண்ட 25 பேர் திடீர் சுகயீனம்
ஆலையடிவேம்பு விசேட நிருபர்
அட்டாளைச்சேனை-4 மற்றும் 14ஆம் பிரிவுகளில் ஐஸ்கிaம் உட்கொண்ட பெரியவர்கள் உட்பட 25 பேர் திடீர் சுகயீனமுற்று அக்கரைப்பற்று ஆதார வைத்தியசாலையில் அனுமதிக்கப்பட்டனர். இவர்கள் வாந்திபேதி, வயிற்றோட்டம் மற்றும் காய்ச்சல் போன்றவற்றால் பாதிக்கப்பட்டுள்ளனர்.

நேற்றுப் பிற்பகல் அப்பிரதேசத்தில் ஓட்டோ ஒன்றில் ஐஸ்கிaம் விற்பனை செய்தவரிடம் ஐஸ்கிaம் வாங்கி உண்டவர்களே இவ்வாறு திடீர் சுகவீனமுற்றனர். சுகவீனமுற்றவர்களில் 10 வயதுக்கு உட்பட்ட சிறுவர் சிறுமியர்கள் மற்றும் பெரியவர்களும் உள்ளடங்குகின்றனர்.

வைத்தியசாலையில் அனுமதிக்கப்பட்டவர்களின் உடல்நிலை தேறிவருவதாக வைத்தியசாலையின் அத்தியட்சகர் டொக்டர் எம்.எம்.தாசீம் கூறினார்.