பெண் வயிற்றை கிழித்து குழந்தை திருட்டு! உயிருக்கு போராடும் தாய்

by **அப்துல்லாஹ்** Tue 6 Sep 2011 - 9:02

கொலம்பியா: ஒரு பெண்ணிடம் மற்றொரு பெண்ணே ஆசை வார்த்தை காட்டி தனியாக அழைத்து சென்று கண்ணாடியால் அவரது கருப்பையை கிழித்து குழந்தையை திருடிச்சென்ற கொடுமையான சம்பவம் நடந்துள்ளது. பாதிக்கப்பட்ட தாய் உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளார்.

கொலம்பிய தலைநகர் பகோடவை சேர்ந்தவர் ஆண்ட்ரியா. ஏழு மாத கர்ப்பிணியான இவரிடம் ஒருப்பெண் பிறக்கப் போகும் அவரது குழந்தையை அரசின் பொது சுகாதார திட்டத்தில் சேர்ப்பதாகவும், அதனால் ஆண்ட்ரியாவுக்கு அரசு உதவி தொகை கிடைக்கும் என்றும் கூறி. தன்னுடன் வருமாறு ஒரு குடிசை பகுதிக்கு அழைத்து சென்றார். அங்கு மயக்க மருந்து கலந்து குடிக்க கொடுத்த பானத்தை குடித்து மயங்கினார். பிறகு கண்விழித்து பார்த்த ஆண்ட்ரியா, தனது வயிறு கிழிக்கப்பட்டு ரத்தம் வழிந்தோடி கிடப்பதும், குழந்தை வெளியே எடுக்கப்பட்டு திருடப்பட்டிருப்பதையும் அறிந்து துடித்தார்.

கண்ணுக்கு எட்டும் தூரம் வரை உதவிக்கு யாரும் இல்லாத நிலையில், தட்டுத் தடுமாறி நெடுஞ்சாலைக்கு வந்தார். அவரை கண்ட சிலர் சான்டா மரியா நகரின் மருத்துவமனையில் சேர்த்தனர். காவல்துறையில் புகாரும் அளிக்கப்பட்டது. புகாரை பெற்றுக்கொண்ட காவல்துறையினர் விசாரணையை ஆரம்பித்தனர்

ஆண்ட்ரியா சொன்ன பகுதியில் காவலர்கள் நடத்திய தேடுதல் வேட்டையில் குறை பிரசவ குழந்தையை வைத்திருந்த பெண்ணை கைது செய்தனர். அந்த குழந்தை தன்னுடையது என்றும் சமீபத்தில் பிரசவித்ததாகவும் அவர் சாதித்தார். பிறகு மருத்துவ பரிசோதனையில் அவருக்கு பிரசவம் நடக்காதது உறுதியானதையடுத்து, விசாரணையில் உண்மை தெரிய வந்தது. அந்தப் பெண்ணுக்கு கடந்த 8 மாதங்களுக்கு முன் கருவுற்ற நிலையில், கணவனின் அடி, உதையால் கருக்கலைந்ததாகவும், குழந்தை ஆசையால் ஆண்ட்ரியாவுக்கு ஆசை காட்டி அழைத்து சென்று வயிற்றை கிழித்து குழந்தையை திருடியதாகவும் ஒப்புக் கொண்டார்.

இந்நிலையில் குழந்தையை திருட ஆண்ட்ரியாவின் வயிற்றை கண்ணாடி போன்ற கூரான பொருளை ஆயுதமாக பயன்படுத்தியதும், இருட்டில் நடந்த இந்த கொடூரத்தின்போது தாயின் வயிற்றுக்குள் மண் கலந்துள்ளதாகவும் ஆபத்தான நிலையில் சிகிச்சை பெற்று வரும் ஆண்ட்ரியாவுக்கு சிகிச்சை அளித்த மருத்துவர்கள் தெரிவித்தனர்.

இந்நேரம் செய்தி

by **jasmin** Tue 6 Sep 2011 - 9:04

கொடுமையிலும் கொடுமை இது .....மிகவும் கண்டித்து தண்டிக்க வேண்டிய செயல்

by **உமா** Tue 6 Sep 2011 - 9:06

இப்படியும் ஒரு கேவலமான பெண்ணா...இப்படி எண்ணம் வைத்து இருப்பதால் மழலைச்செல்வமே கிடைக்காமல் கடவுள் செய்து இருக்கான் போல....தாயையும் சேயையும் பிரித்து கொடுமை செய்து இருக்காளே பாவி....
:!.:

by **யாதுமானவள்** Tue 6 Sep 2011 - 9:10

அந்தப் பெண் மனநலம் பாதிக்கப் பட்டிருக்கிறாள். தண்டனையோடு அவளுக்கு தகுந்த சிகிச்சைக்கும் ஏற்பாடு செய்யப்பட வேண்டும்.

ஏனென்றால் ஏழு மாதக் குழந்தையை மருத்துவ வசதி இல்லாமல் காப்பாற்ற முடியாது என்பது சாதாரண மனநிலையில் உள்ளவர்களுக்குத் தெரியும். மட்டுமல்லாது ஒரு கர்பவதியின் வயிற்றைக் கண்ணாடி போன்ற ஆயுதங்களால் குத்திக் கிழிக்கும் மனோபாவம் மனநிலை பாதிக்கப்பட்ட பெண்ணுக்கே இருக்கும்.

by **kalainilaa** Tue 6 Sep 2011 - 9:10

கொடுமையிலும் கொடுமை இது .....மிகவும் கண்டித்து தண்டிக்க வேண்டிய செயல்,தண்டனை கடுமையாய் தரவேண்டும் .\நன்றி தோழரே .

by **நண்பன்** Tue 6 Sep 2011 - 9:30

kalainilaa wrote:கொடுமையிலும் கொடுமை இது .....மிகவும் கண்டித்து தண்டிக்க வேண்டிய செயல்,தண்டனை கடுமையாய் தரவேண்டும் .\நன்றி தோழரே .

பெண் வயிற்றை கிழித்து குழந்தை திருட்டு! உயிருக்கு போராடும் தாய் 111433

இப்படி செய்திருக்கவே தேவை இல்லை இப்போது குப்பைக்குப் பதிலாக தொட்டிகளில் குழந்தகைளும் வீசப்படுகிறார்கள் அங்கு சென்றுருக்கலாம் பெண் வயிற்றை கிழித்து குழந்தை திருட்டு! உயிருக்கு போராடும் தாய் 224381