உயிருக்கு போராடும் குதிரை: காப்பாற்ற கோரி உரிமையாளர் வேண்டுகோள்

by **முனாஸ் சுலைமான்** Fri 8 Jul 2011 - 12:18

இங்கிலாந்தின் ட்ரூரோ பகுதியை சேர்ந்த பெண் ஜோயன் மோரிஸ்(29). செயின்ட் பிளேசி என்ற இடத்தில் வசிக்கும் அப்பா, அம்மாவை பார்க்க சமீபத்தில் சென்றிருந்தார்.
அவர்கள் வீட்டு தொழுவத்தில் சுமார் ஒன்றரை அடி உயர குதிரை குட்டி ஒன்று இருந்தது. மிகவும் அழகாக இருந்த அது நிற்க முடியாமல் தடுமாறிக் கொண்டிருந்தது.

அதற்கு "மிங்சி" என்று பெயர் வைத்திருந்தனர். இதுகுறித்து பெற்றோர் கூறுகையில்,"இரண்டரை மாதம் முன்பு பிறந்த மட்ட குதிரை குட்டி. குறை மாதத்தில் பிறந்ததால் உயிருக்கு போராடுகிறது. கால்கள் வளைந்து இருப்பதால் நிற்கக்கூட முடியாமல் தடுமாறுகிறது" என்றனர்.

உடனடியாக மிங்சியை உள்ளூர் கால்நடை மருத்துவர்களிடம் அழைத்து சென்றார் ஜோயன். பேண்டேஜ் கட்டு போட்டால் இப்போதைக்கு சமாளிக்கலாம். ஆனால் ஓபரேஷன் தான் நிரந்தர தீர்வு.

பால் குடிக்கக்கூட மிங்சியால் நிற்க முடியவில்லை. அதனால் ஓபரேஷனை தாமதப்படுத்தினால் மிங்சி இறந்துவிட வாய்ப்பு இருக்கிறது என்று மருத்துவர்கள் கூறினர். அதற்கு 6 ஆயிரம் டொலர் வரை செலவாகும் என்று கூறியுள்ளனர்.
தன்னிடம் அவ்வளவு தொகை இல்லாததால் நண்பர்கள், உறவினர்கள், அறக்கட்டளைகளிடம் உதவி கேட்டிருக்கிறார் ஜோயன்.
மிங்சியுடன் குளோ என்ற நாய்க்குட்டி பாசத்துடன் பழகி வருகிறது. தாயிடம்கூட நெருங்க முடியாத மிங்சிக்கு குளோதான் ஆதரவாக உள்ளது. மிங்சிக்கு அரை மணிக்கு ஒருமுறை புட்டிப் பால் கொடுக்க வேண்டி உள்ளது. கண்டிப்பாக மிங்சியை காப்பாற்றி விடுவேன் என்ற நம்பிக்கை உள்ளது என்று கண்ணீர் மல்க கூறுகிறார் ஜோயன். உயிருக்கு போராடும் குதிரை: காப்பாற்ற கோரி உரிமையாளர் வேண்டுகோள் Pony_002