எப்போது விடுமுறை?

by **gud boy** Fri 9 Sep 2011 - 16:26

எப்போது விடுமுறை?

ஆளுக்கு ஒரு மூலையில் இருந்தாலும்
என் மூளையில் இருப்பதென்னவோ நீதான்!

தொடமுடியாத தூரத்தில் நீ
தொட்டுப் பார்க்கும் என் விரல்கள் உன் கடிதத்தை!!

நிழாலாய் உன்
நினைவுகள் - இங்கே
கனவுகளோடு
காலம் தள்ளும் உன்
கணவன்!

இருக்க இடம் எங்கே என்று நீ கேட்க ;
படுப்பதற்க்கு மட்டுமே இடம் என்று நான் உரைக்க
பதறிப் போனாய் நீ!

குடும்பத்தோடு இருந்தும்
தனிமையாய் நீ அங்கே;
குடும்பத்திற்காகவே தனிமையாய்
நான் இங்கே!!

அருகில் வரவே
இனிப்புகள் இலஞ்சமாய்
என் குழந்தைக்கு;
வாங்கவும் மறுக்கிறான்
வரவும் மறுக்கிறான்;

வெடித்துப் போய்
விளக்கம் கேட்டால்;
கத்திச் சொன்னான்
அடிப்பாள் அம்மா
கண்டவரிடம் வாங்கினாள்!

வரும் உன் அழைப்பையும் துண்டித்து விட்டு
கூடவே கொஞ்சம் கண்டித்துவிட்டு
பேசக் கூட நேரமில்லை என்று
வேலையில் நான்;
கண்ணீரோடு கனைத்துவிட்டு
மெதுவாய் நீ கேட்பாய்;
எப்போது விடுமுறை என்று!!

இப்படி
மலறும் நினைவுகளோடு
கதறும் உள்ளம்;
சுடும் கண்ணிரோ
என் தலையணையை நனைக்க
முடிவெடுத்துவிட்டேன் இனி
போதாது எனக்கு ஒரு தலையணை என்று!!

- யாசர் அரஃபாத்

by **நண்பன்** Fri 9 Sep 2011 - 17:20

இந்த கவிதையைப் படிக்கும் போது கண்ணீர்தான் வருகிறது என்ன வாழ்க்கை இது ????????

by **gud boy** Fri 9 Sep 2011 - 17:23

உண்மை தான்...விடுமுறையை எதிர்பார்த்தே நாட்கள் நகருகின்றன.. இந்த வளைகுடாவிலிருந்து நிரந்தர விடுமுறையை எதிர்பார்த்து தான் காத்திருக்கிறேன்..

by **kalainilaa** Fri 9 Sep 2011 - 17:37

யாசர் அரஃபாத்

யார் இவர் என்று கேட்க சொல்கிறது மனம் .
நமது வாழ்கையை எடைப்போட்ட இவரை பார்க்க சொல்கிறது மனம் !

பாராட்டுக்கள் ,கவிதை எழுதிய தோழருக்கும்,
சேனைக்கு கொண்டுவந்த தோழருக்கும் .

by **நண்பன்** Fri 9 Sep 2011 - 17:51

kalainilaa wrote:யாசர் அரஃபாத்

யார் இவர் என்று கேட்க சொல்கிறது மனம் .
நமது வாழ்கையை எடைப்போட்ட இவரை பார்க்க சொல்கிறது மனம் !

பாராட்டுக்கள் ,கவிதை எழுதிய தோழருக்கும்,
சேனைக்கு கொண்டுவந்த தோழருக்கும் .

@. @.

by **முனாஸ் சுலைமான்** Fri 9 Sep 2011 - 17:53

நிச்சயமாக வளைகுடா மட்டுமல்ல உலகத்தில் எந்த மூலை முடுக்கில் வேலை செய்தாலும் தன் சொந்த ஊரை சொந்த நாட்டை
நினைக்கும் அனைவருக்கும் இந்த வலி வந்து விடும் எனவே இது சம்மந்தமாக சிறப்பு கவிதை எழுதியிருக்கும் கிவி போய்ய்கு வாழ்த்துக்கள். :flower:

by Sponsored content

எப்போது விடுமுறை?

எப்போது விடுமுறை?

Re: எப்போது விடுமுறை?

Re: எப்போது விடுமுறை?

Re: எப்போது விடுமுறை?

Re: எப்போது விடுமுறை?

Re: எப்போது விடுமுறை?

Re: எப்போது விடுமுறை?