சிதம்பரம் ராஜினாமா செய்வாரா? : பிரதமர் பதில்

ஐ.நா., : ""மத்திய உள்துறை அமைச்சர் சிதம்பரம் ராஜினாமா செய்வது என்ற பேச்சுக்கே இடமில்லை,'' என, பிரதமர் மன்மோகன் சிங் கூறியுள்ளார். ஐ.நா., பொதுச்சபை கூட்டத்தில் பங்கேற்க நியூயார்க் சென்றுள்ள பிரதமர் மன்மோகன் சிங் அங்கு நிருபர்களிடம் பேசியதாவது: உள்துறை அமைச்சர் சிதம்பரம் ராஜினாமா செய்ய வேண்டும் என, எதிர்க்கட்சிகள் கேட்பது வழக்கமான ஒன்றுதான். அவர் ராஜினாமா செய்வது என்ற பேச்சுக்கே இடமில்லை. எனது அமைச்சரவை சகாக்கள் எல்லாரையும் நான் பாதுகாப்பேன். எதிர்க்கட்சிகளின் கோரிக்கைகளை நிறைவேற்றுவது என்ற கேள்விக்கே இடமில்லை. எதிர்க்கட்சிகளின் வேலையே அரசை எதிர்ப்பதும், அரசை கவிழ்க்க முற்படுவதும்தான். அதைத்தான் இப்போதும் செய்து கொண்டிருக்கின்றனர்.

வாஷிங்டனில் இருந்து என்னைப் பார்க்க நிதி அமைச்சர் பிரணாப் முகர்ஜி நியூயார்க் வருவது, வழக்கமான ஒன்றுதான். உலக பொருளாதார நெருக்கடிகள் உட்பட பல விஷயங்கள் குறித்து அவர் என்னுடன் பேசுவார். எனவே, அவர் என்னைப் பார்க்க வருவதில் <புதிய விஷயம் ஒன்றும் இல்லை. அமைச்சர் சிதம்பரத்தை பொறுத்தவரையில், நிதி அமைச்சராக இருந்த போதும், தற்போது உள்துறை அமைச்சராக இருக்கும் போதும், என்னுடைய முழு நம்பிக்கையை பெற்றுள்ளார். இவ்வாறு மன்மோகன் சிங் கூறினார்.

இன்னுமா ?????????????

அப்படிக் கேளுங்க