என் இனிய உயிருக்கு.....

என் இனிய உயிருக்கு.....
இதுவரை எழுதியது என் மனம் கேட்டு;
இது என் உயிர் என்னிடம் கேட்டதால் எழுதுகிறேன்.
என்னால் முடியவில்லை. எனக்கு வார்த்தைகள் வரவில்லை.
என் காதலை சொன்னதாலா....?
உன் மீது காதல் ஏன் வந்தது என்றதாலா..?
உன்னிடம் பிடித்தது எதுவென்று கேட்டதாலா..?
சொல் எதை சொல்ல.....
உன் அழகை முழு நிலவு,என்றால்
அது தேய்ந்து போய் விடுமே,
கார்முகில் கூந்தல் என்றால்
மழையாய் கலைந்து கரைந்து விடுமே,
மீனாக காணவில்லை உன் கண்களை
அது எப்போதும் (கண்)ணீரிலே வாழ்வதால்,
பூவிதழ் உதடாக நினைக்கவில்லை
பூத்ததும் (புன்னகை) வாடி விடுவதால்,
சங்கு கழுத்து என்று சொல்லவில்லை
அதில் அமைதி யே இல்லாததால்,
முத்து சிரிப்போ என்றேன்
இல்லை அதையும் இவ்வுலகு விலை பேசுமே,
சொல் எதை சொல்ல..........
கடல் அலைகளை கண்டேன்
அது உன் மனகவ(அ)லைகளை காட்டியதாலா,
கடல்நீரை காணும்போது
அது உன் கண்ணீரின் சிதறலைவிட சிறியதானதாலா!
எரிமலையை விட கோபம்
உன்னை எரித்து விடுவதாலா!
அமர தீபமாய் உன்னை
நீயே மற்றவர்க்காய் கரைத்து கொள்வதாலா.
சொல் எதை சொல்ல............
உன்னை எனக்கு பிடித்ததால்
என்னை உனக்கு பிடிக்கும் என்றாயே!
என்னை பிடிக்காதிருந்தாலும் உன்னை
எனக்கு பிடிக்குமடி!
உன் மனதை அறிந்ததால்
வாடி ,, வாடி,, என்றேனே ஏன் என்றாயா?
உன்னை வாடாமல் பார்த்துகொள்ள தானே!
என் காதலை சொல்லி விட்டேன்
உன் மனகதவுகளை திறந்து,
உன் மௌனத்தை வெளியேற்றி விட்டு
சொல்லடி என் உயிரே..
சொல் எதை சொல்ல.......
என்னிடம் வார்த்தைகள் இல்லை.
நன்றி -டீபா

அருமையாக உள்ளது நன்றி