இலங்கை உள்ளாட்சி தேர்தல்: ராஜபக்சே கட்சி அமோக வெற்றி

இலங்கையில் கடந்த மார்ச் மாதம் முதல் உள்ளாட்சி தேர்தல் நடந்து
வருகிறது. இதில், அதிபர் ராஜபக்சேயின் ஐக்கிய மக்கள் சுதந்திரா கட்சி
கூட்டணி அமைத்து போட்டியிட்டது. நேற்று இறுதிக்கட்ட தேர்தல் முடிந்தவுடன்
வாக்குகள் எண்ணப்பட்டன. அதில், அதிபர் ராஜபக்சேயின் கட்சி கூட்டணி அமோக
வெற்றி பெற்றதாக அறிவிக்கப்பட்டது.

23 இடங்களில் 21
இடங்களை ராஜபக்சேயின் கூட்டணி பிடித்தது. எதிர்க்கட்சியான ஐக்கிய தேசிய
கட்சி கொழும்பு நகரசபையை தக்க வைத்து கொண்டது. அதே நேரத்தில் கண்டி
நகரசபையை இழந்தது. 60 ஆண்டு கால உள்ளாட்சி தேர்தல் வரலாற்றில் இங்கு
இக்கட்சி முதன் முறையாக தோல்வி அடைந்துள்ளது. ஆளும் கட்சியின் கூட்டணியில்
உள்ள இலங்கை முஸ்லிம் காங்கிரஸ் கிழக்கு மாகாணத்தில் உள்ள கல்முனை நகர
சபையில் வெற்றி பெற்றுள்ளது.

உள்ளாட்சி தேர்தல்
வெற்றியின் மூலம் அதிபர் ராஜபக்சேவுக்கு மக்கள் மத்தியில் ஆதரவு பெருகி
உள்ளது என மூத்த மந்திரி நிமல் ஸ்ரீபாலா தெரிவித்துள்ளார். நேற்று நடந்த
இறுதிக்கட்ட தேர்தல் வாக்குப்பதிவின் போது வடக்கு கொழும்பு அருகேயுள்ள
கோதிகா வத்தா என்ற இடத்தில் வன்முறை வெடித்தது. அப்போது எதிர்க்கட்சியினர்
துப்பாக்கியால் சுட்டதில் அதிபர் ராஜ பக்சேயின் ஆலோசகர் பாரத லட்சுமண்
பிரேமசந்திரா, அவரது மெய்காப்பாளர் பிரேமசந்திரா மற்றும் 2 கட்சி
தொண்டர்கள் உயிர் இழந்தனர். டுமிந்தா சில்வா எம்.பி. யின் தலையில் குண்டு
பாய்ந்தது. அவரது நிலைமை கவலைக்கிடமாக உள்ளது

வரும் காலங்களில் எதிர்க் கட்சி இல்லாமலே வெற்றி பெறும் இந்த மகிந்த கட்சி {))

இந்த தேர்தல் வைத்து கணிக்க முடியாது .