உள்ளாட்சி தேர்தலில் வெற்றி பெறும் எங்கள் கட்சியினர் தவறு செய்தால் வாக்களித்த மக்களே தண்டனை கொடுக்கலா

by **நண்பன்** Tue 11 Oct 2011 - 9:18

காஞ்சீபுரம் நகரமன்ற தலைவர் பதவிக்கு தே.மு.தி.க. சார்பில்
போட்டியிடும் சி.ஏகாம்பரம் மற்றும் 51 வார்டு கவுன்சிலர் வேட்பாளர்களை
ஆதரித்து தே.மு.தி.க. தலைவரும், தமிழக சட்டமன்ற எதிர்கட்சி தலைவருமான
விஜயகாந்த் நேற்று காஞ்சீபுரம் கச்சபேஸ்வரர் கோவில் அருகே பிரசாரம்
செய்தார். அப்போது அவர் கூறியதாவது:-

கடந்த
காலங்களில் திராவிட கட்சிகள் தான் மாறி, மாறி ஆட்சி செய்து மக்களை ஏமாற்றி
வந்தன. மக்களின் கோடிக்கணக்கான வரிப்பணத்தை அனாவசியமாக வீணாக்குகின்றனர்.

ஆட்சியாளர்கள்
லஞ்சம் பெற்றுக்கொண்டு உள்ளாட்சி பணிகளை செய்து முடிக்கின்றனர். தற்போது
எங்கும் ஊழல், எதிலும் ஊழலாக உள்ளது. இந்த நிலை மாற, ஊழலை முற்றிலுமான
ஒழிக்க முரசு சின்னத்தில் வாக்களித்து தே.மு.தி.க. வெற்றி பெற ஒரு வாய்ப்பு
தாருங்கள்.

அப்படி வாய்ப்பளித்தால் தமிழகத்தை
மாற்றுக் காட்டுவோம். மாற்றம் தரும் மக்களை ஏற்றம் தரச்செய்வோம். எங்கள்
கட்சி உள்ளாட்சி பிரதிநிதி வேட்பாளர்கள் அனைவரும் உள்ளூர்காரர்கள். அவர்கள்
இதே பகுதியை சேர்ந்தவர்கள். அவர்கள் தவறு செய்தால் நானே தட்டிக்கேட்பேன்.

மேலும்
வாக்களித்து தேர்வு செய்த மக்களாகிய நீங்களும் தண்டனை கொடுக்கலாம்.
ஆண்டவனே தவறு செய்தாலும் தட்டிக்கேட்போம். எனவே எங்கள் கட்சியை
உள்ளாட்சித்தேர்தலில் வெற்றி பெற செய்யுங்கள். கற்கால ஆட்சியை மாற்றி
பொற்கால ஆட்சியை தருவோம்.

இவ்வாறு விஜயகாந்த் கூறினார்.