மூஃமின்களின் உயிர்கள், காஃபிர்களின் உயிர்கள்

by **Inudeen** Fri 14 Oct 2011 - 9:56

மூஃமினான மனிதரின் உயிர் (உடலிருந்து) வெளிப்பட்டுவிட்டால் இருமலக்குகள் அதை பெற்று
(வானத்திக் பால்) உயர்த்தி (கொண்டு செல்)கின்றனர். (வானத்தின்பால் அம்மலக்குகள்
அந்த உயிரை உயர்த்திக்கொண்டு செல்லும்பொழுது) அவ்வுயிர் நறுமணம் உடையதாக ஆகிறது.
(அந்நறுமணம்) கஸ்தூரியின் மணத்தைப்போன்று இருப்பதாக ஹம்மாது ரளியல்லாஹு அன்ஹு
அவர்கள் கூறுகிறார்கள்.

(அவ்விரு மலக்குகளும் அவ்வுயிரை வானங்களுக்கு எடுத்துச் செல்லும் பொழுது)
வானத்திலிருப்பவர்கள் நல்ல உயிர், பூமிப்பகுதியிலிருந்து வந்தது, (ஆகவே உயிரே) உன்
மீதும், நீ எந்த உடலிருந்து வாழ்ந்து வந்தாயோ? அதன்மீதும் அல்லாஹ் அருள் செய்வானாக!
எனக்கூறுகிறார்கள். (அதன்பிறகு) அதை அவர்கள் அதனின் இரட்சகனின் பால் கொண்டு
செல்கின்றனர். (அங்கே) அதை அதற்குரிய கடைசித் தவணையின்பால் கொண்டு செல்லுங்கள் என
அவன் (அல்லாஹ்) கூறுவான்.

நிச்சயமாக காஃபிருடைய (உடலிருந்து) உயிர் வெளிப்பட்டு விட்டால், அதன்
துர்நாற்றத்தைப் பற்றியும், அதற்கு ஏற்படும் சாபத்தைப் பற்றியும் ஹம்மாது
ரளியல்லாஹு அன்ஹு அவர்கள் கூறினார்கள்.

“பூமிப்பகுதியிலிருந்து வந்த இது கெட்ட உயிராகும் என வானத்தையுடையவர்கள் (அமரர்கள்)
கூறுவர். (அப்போது) அதன் கடைசி தவணை வரை கொண்டு செல்லுங்கள் எனக் கூறப்படும் என
(அறிவிப்பாளர்) கூறுகிறார். (அச்சமயத்தில்) அல்லாஹ்வின் தூதர் ஸல்லல்லாஹ் அலைஹி
வஸல்லம் அவர்கள் தங்களின் மேலிருந்த மிருதுவான துணியை தங்களின் மூக்கின்மேல்1
இவ்வாறு எடுத்துப் போட்டனர்” என அபூஹுரைரா ரளியல்லாஹு அன்ஹு அவர்கள் கூறினார்கள்.

குறிப்பு : 1. மூக்கின் மேல் (ரஸுல் ஸல்லல்லாஹ் அலைஹி வஸல்லம்) அவர்கள்
வைத்தற்குரிய காரணம்:- காஃபிரானவரின் உயிரை எடுத்துச் செல்லும் போது ஏற்படும் கடும்
துர்நாற்றத்தின் நிலையை நபி ஸல்லல்லாஹ் அலைஹி வஸல்லம் அவர்களுக்கு காட்டப்பட்டது
அதை அவர்கள் நுகர்ந்தனர். அதன் காரணமாகவே துணியை மூக்கின் மேல் வைத்தனர்.