தி.மு.க. வெற்றியை எதிர்பார்க்கிறோம்: கருணாநிதி பேட்டி

by **நண்பன்** Mon 17 Oct 2011 - 11:23

தி.மு.க. தலைவர் கருணாநிதி கோபாலபுரம் ஸ்ரீசாரதா மேல்நிலைப்பள்ளியில்
இன்று காலை 10.15 மணிக்கு வாக்களித்தார். அவருடன் தயாளு அம்மாளும் வந்து
ஓட்டு போட்டார். பிறகு வெளியில் வந்ததும் அவர் நிருபர்களுக்கு
பேட்டியளித்தார். அதன் விவரம் வருமாறு:-

கேள்வி:- தேர்தல் ஆணையத்தின் செயல்பாடுகள் எப்படி இருப்பதாக நினைக்கிறீர்கள்?

பதில்:- நாங்கள் ஏற்கனவே சொல்லியிருக்கிறோம். புதிதாக எதையும் இப்போது சொல்ல விரும்ப வில்லை.

கே:-
தி.மு.க. கேட்டுக் கொண்டு, வெப்-காமிராக்கள் வைக்கப்பட வேண்டு மென்று
சொல்லியும் கூட, பல இடங்களில் அவைகள் சரியாக இயங்கவில்லை என்றும், அனைத்து
இடங்களிலும் அவைகள் வைக்கப்படவில்லை என்றும் சொல்லப்படுகிறதே?

ப:- அரசே சரியாக இயங்கவில்லை. நீங்கள் வெப்-காமிராக்கள் இயங்க வில்லையே என்று கேட்கிறீர்கள்.

கே:- இப்போது வந்த செய்திப்படி வாக்குப்பதிவு மிகவும் மந்தமாக இருப்பதாகச் சொல்கிறார்களே?

ப:- இது நாடாளுமன்ற, சட்டமன்றத்தேர்தல் அல்ல. அந்தத் தேர்தல்களோடு உள்ளாட்சி மன்றத் தேர்தல்களை ஒப்பிட முடியாது.

கே:- தி.மு.க. வேட்பாளர்களின் வெற்றி வாய்ப்பு எவ்வாறு உள்ளது?

ப:- எல்லா கட்சிகளும் வெற்றி வாய்ப்பு தங்களுக்கு இருப்பதாக தான் சொல்வார்கள். நானும் அதைத் தான் சொல்கிறேன்.

இவ்வாறு தி.மு.க. தலைவர் கருணாநிதி கூறினார்.
மாலை மலர்