டெபிட் மற்றும் கிரெடிட் கார்டுகளை பயன்படுத்துபவர்கள் ஏமாறாமல் தப்பித்துக் கொள்ள

வேளச்சேரி வீனஸ் காலனியைச் சேர்ந்தவர் சுனில்குமார் புருஸ்டி. தனியார் நிறுவனத்தில் பணியாற்றும் இவர், ஐ.சி.ஐ.சி.ஐ., மற்றும் கனரா வங்கியில் சேமிப்பு கணக்கு வைத்துள்ளார்.
இரண்டு வங்கிகளின் "டெபிட் கார்டை'யும், மொபைல் போன்களுக்கு பணம் கட்டுவதற்கும், கடையில் பொருட்கள் வாங்குவதற்கும் உபயோகப்படுத்தியுள்ளார். கடந்த 15ம் தேதி இரவு மற்றும் 16ம் தேதி காலை மேற்படி இரண்டு வங்கியின் சேமிப்பு கணக்கில் இருந்து, ஒரு லட்சத்து 30 ஆயிரம் ரூபாய் எடுக்கப்பட்டது குறித்து சுனில்குமாருக்கு, வங்கிகளின் மூலம் தகவல் வந்தது. இதை கண்டு அதிர்ச்சியடைந்தார் சுனில்குமார். காரணம், பணத்தை அவர் எடுக்கவில்லை என்பது தான். இது குறித்து வங்கியில் புகார் கூறினார். அவர்களோ, "உங்களுடைய டெபிட் கார்டு மூலம் இணையதளத்தில் பணம் பெறப்பட்டுள்ளது' என, விளக்கமளித்தனர். மோசடி நடந்திருப்பதை உணர்ந்த சுனில்குமார், நேற்று முன்தினம் கமிஷனர் அலுவலகத்தில் புகார் கூறினார். அவருடைய புகார், சைபர் கிரைம் பிரிவுக்கு அனுப்பி வைக்கப்பட்டுள்ளது.





நேற்று முன்தினம் ஒரே நாளில் மட்டும் சைபர் கிரைம் தொடர்பாக, 15 புகார்கள் வந்துள்ளன. இதில், "டெபிட் மற்றும் கிரெடிட் கார்டு' மோசடி புகார்கள் மட்டுமே எட்டுக்கும் மேற்பட்டவை. டெபிட் மற்றும் கிரெடிட் கார்டுகளை பயன்படுத்துபவர்கள் கீழ்கண்ட நடைமுறையை பின்பற்றினால் ஏமாறாமல் தப்பித்துக் கொள்ளலாம். *கார்டுகளை ஷாப்பிங் மற்றும் பெட்ரோல் பங்க்கில் பயன்படுத்தும் போது, நமது கார்டு கண்ணை விட்டு அகலாமல் பார்த்துக் கொள்ளுங்கள். உங்களுக்கே தெரியாமல் கார்டை "ஸ்கிம்மர்' போன்ற வேறு மிஷின்களில் தேய்த்து விடுவர். இதன் மூலம் நமது தகவல்கள் திருடப்பட்டு, போலி கார்டுகள் தயாரித்து பணத்தை சுரண்டி விடுவர். * ஏ.டி.எம்., இயந்திரங்களில் பணத்தை எடுக்கும் பழக்கம் உள்ளவர்கள். அவ்வப்போது, "பின் நம்பர்' எனப்படும் நான்கு இலக்க ரகசிய எண்ணை மாற்றுவது நல்லது. * கூடுமான வரையில் இணையதளத்தில், "டெபிட் கார்டு'களை பயன்படுத்தாமல் இருப்பது நல்லது. ஏனெனில், நமக்கு தெரியாமலேயே ஹாக்கர்கள் நாம் பயன்படுத்தும் கம்ப்யூட்டரில் நுழைந்து தகவல்களை திருடி விடுவர். இவர்களை தடுக்க, நாம் பயன்படுத்தும் கம்ப்யூட்டரில் தரமான ஆன்டி வைரஸ் இருக்கிறதா என பார்த்துக் கொள்ள வேண்டும். ஏ.டி.எம்., இயந்திரங்களில் பணத்தை எடுக்கும் போது கார்டை சொருகும் பகுதியில் ஏதேனும் அன்னிய பொருட்கள் தென்படுகிறதா என்றும் பார்க்க வேண்டும். குறிப்பாக, அப்பகுதியில் மெல்லிய தகடு மூலம் சிம் பொருத்தி நமது கார்டு குறித்த தகவல்கள் திருடப்படுகின்றன.

இதுலயும் வந்துடுச்சா திருட்டு, பளைய படி பணம் கொடுத்து ஷாப்பிங் பன்றதே சிறந்தது.

காலத்துக்கேற்ற மாற்றத்துடன் நுட்பமான திருட்டுகளும் அறிமுகம் என்ன பண்ண அவஸ்தை எமக்குத்தான்