கண்டி மாநகரசபை மேயராக ரத்வத்தை பதவியேற்பு _

கண்டி மாநகர சபையின் 24 ஆவது மேயராக மகேந்திர ரத்வத்தை நேற்று பதவியேற்றுள்ளார். இந்த பதவியேற்பு நிகழ்வில் மத்திய மாகாண ஆளுனர் டிக்கிரி கொப்பேகடுவ, முதலமைச்சர் சரத் ஏக்கநாயக்கா, சுற்றாடற் துறைப் பிரதி அமைச்சர் ஏ.ஆர்.எம்.அப்துல் காதர், முன்னாள் அமைச்சர் ஜெனரல் அனுருத்த ரத்வத்தை, கண்டி மாவட்ட எம்.பி.லோகாகன் ரத்வத்தை உட்பட பலர் கலந்துகொண்டனர்.

ஸ்ரீலங்கா முஸ்லிம் காங்கிரஸ் அங்கத்தவர் அஸ்மின் மரிக்கார் மற்றும் ஐ.ம.சு.கூட்டணி அங்கத்தவர் ஏ.எல்.எம். நுஹ்மான் உட்பட ஆளுந்தரப்பு அங்கத்தவர்கள் 13 பேரும் இவ்வைபவத்தின் போது பதவிப் பிரமாணம் செய்து கொண்டனர்.

ரத்வத்தைப்பரம்பரையில் ஆறாவது மாநகர சபை அங்கத்தவராகவும் அதே பரம்பரையில் மூன்றாவது மேயராகவும் தான் தெரிவு செய்யப்பட்டுள்ளமை மகிழ்ச்சி அளிக்கின்றது. முன்னாள் மேயர்களான எனது பாட்டன் குடா ரத்வத்தை மற்றும் தந்தை அனுருத்தரத்வத்தை ஆகியோரின் அடிச்சுவட்டில் சென்று சேவை செய்யக் காத்திருப்பதாகவும் 1947ஆம் ஆண்டு ஸ்தாபிக்கப்பட்ட மாநகரசபை சட்டமூலம் காலத்தால் மிகவும் பின்னடைவானதாகும். எனவே இதில் முக்கியமானதும் தேவையானதுமான சில திருத்தங்களைச் செய்யுமாறு நாம் மத்திய அரசை வலியுறுத்தவுள்ளளோம் என்று பதவி யேற்றப்பின்பு மகேந்திர ரத்வத்தை கருத்துதெரிவித்தார். ___


அப்பன் அனுரத்த ரதவத்தசெய்த கேவலமான அரசியல் செய்யாமல் இருந்தால் நல்லது.

அப்பன் அனுரத்த ரதவத்தசெய்த கேவலமான அரசியல் செய்யாமல் இருந்தால் நல்லது.