விளம்பரம் இல்லாமல் மக்களை சென்று அடையவில்லை; சிறுபட்ஜெட் படங்கள் பாதிப்பு -நடிகர் அர்ஜூன்

by **நண்பன்** Tue 25 Oct 2011 - 11:00

அர்ஜூன், சாயாலி பகத் மற்றும் புதுமுகங்கள் நடித்துள்ள படம்
காட்டுப்புலி டினுவர்மா இயக்கியுள்ளார். இவர் இந்தியில் பிரபல ஸ்டன்ட்
நடிகராக உள்ளார். அபிஷேக் பிலிம்ஸ் தயாரித்துள்ளது. இந்த படம் தமிழ், இந்தி
மொழியில் தயாராகியுள்ளது. தயாரிப்பாளர் சங்க பொருளாளர் கலைப்புலி தாணு,
தமிழில் இப்படத்தை வெளியிடுகிறார்.

இதன் பாடல்
சி.டி. வெளியீட்டு விழா சென்னையில் நடந்தது. இதில் அர்ஜூன், நாயகி சாயாலி
பகத், டைரக்டர் எஸ்.ஜே.சூர்யா, தயாரிப்பாளர்கள் சத்யஜோதி தியாகராஜன்,
பி.எல்.தேனப்பன், டி.சிவா, பாடல் ஆசிரியர் ஏ.ஆர்.பி.ஜெயராம் ஆகியோர் கலந்து
கொண்டனர். விழாவில் அர்ஜூன் பேசியதாவது:-

சினிமா
படங்கள் எடுப்பது பெரிய விஷயமல்ல, ஆனால் அதை மக்களிடம் கொண்டு போய்
சேர்ப்பது தான் முக்கியம். நிறைய சிறு பட்ஜெட் படங்கள் விளம்பரம் இல்லாமல்
மக்களை போய் சேரவில்லை. அப்படங்களை எடுத்தவர்கள் பாதிப்பில் உள்ளனர்.

பெரிய
பட்ஜெட் படங்கள் எப்படியேனும் மக்களுக்கு போய் விடும். ஆனால் சிறு பட்ஜெட்
படங்களுக்கு விளம்பரம் அவசியம். காட்டுப்புலி படம் கலைப்புலி தாணு கைக்கு
போய் இருப்பதால் அவர் நல்ல விளம்பரப்படுத்துவார். மக்களை போய் சேர்ந்து
விடும்.

இவ்வாறு அவர் பேசினார்.

கலைப்புலி
தாணு பேசியதாவது:- காட்டுப் புலி படம் சிறந்த ஆக்ஷன் திரில்லர் ஆக
வந்துள்ளது. படம் சிறப்பாக ஓடும் என்பதில் சந்தேகம் இல்லை. நம்மை நம்பி
தமிழ் சினிமாவுக்கு வந்துள்ள டினுவர்மா லாபம் அடைய வேண்டும். அவரை நஷ்டமடைய
விடமாட்டேன்.

நான் தயாரித்த 25 படங்களின் உரிமையை
இந்தி திரையுகை சேர்ந்த ராஜ்ஸ்ரீ புரொடக்ஷன்ஸ் நிறுவனம் கேட்டது. நான் உடனே
கொடுத்து விட்டேன். அதற்காக பெரும் தொகையை காசோலையாக கொடுத்தனர். நான்
வாங்க மறுத்து விட்டேன். பதிலுக்கு தமிழில் இருந்து இந்திக்கு போய் படம்
எடுப்பவர்களுக்கு மரியாதை கொடுக்கும் படியும் அவர்களுக்கு சரியான வழி
காட்டும் படியும் கோரிக்கை வைத்தேன். அதை அவர்கள் ஏற்றுக் கொண்டனர்.