மாணவரிடம் பாஸ்போர்ட்டுக்கு லஞ்சம் வாங்கிய போலீஸ் ஏட்டு கைது;வேலூர் ஜெயிலில் அடைப்பு

என்ஜினியரிங் மாணவரிடம் பாஸ் போர்ட்டுக்கு லஞ்சம் வாங்கிய போலீஸ்
ஏட்டு, புரோக்கர் கைது செய்யப்பட்டனர். வேலூர் மாவட்டம் திருப்பத்தூர்
அருகே ஜோன்றம் பள்ளி கிராமத்தைச் சேர்ந்தவர் பழனி (வயது 23) என்ஜினியரிங்
படித்து வருகிறார். இவர் வெளிநாடு செல்வதற்காக பாஸ்போர்ட் கேட்டு
திருப்பத்தூர் தாலுகா போலீஸ் நிலையத்தில் விண்ணப்பித்து இருந்தார். அதன்படி
கடந்த சில நாட்களுக்கு முன்பு பழனியிடம் போலீசார் எல்லா விசாரணையையும்
நடத்தி முடித்தனர்.

கடந்த 2 நாட்களுக்கு முன்பு
பாஸ்போர்ட் விசாரணை அறிக்கையை தரும்படி கருணாநிதியிடம் பழனி கேட்டார்.
அதற்கு ஏட்டு கருணாநிதி ரூ. 1000 கொடுத்தால்தான் விசாரணை அறிக்கையில்
கையொப்பமிட்டு தருவேன் என்று தெரிவித்ததாக கூறப்படுகிறது. ஆனால் பழனி ரூ.
1000 கொடுக்காமல் அங்கிருந்து சென்று விட்டார்.

அதற்பிறகு
நேற்று முன்தினம் காலை மறுபாடியும் பழனி தாலுகா போலீஸ் நிலையத்திற்கு
சென்று விசாரணை அறிக்கையை தரும்படி கேட்டதற்கு ஏட்டு கருணாநிதி குறைந்த
பட்சம் ரூ. 500-வது கொடுத்தால்தான் கையொப்பமிட்டு விசாரணை அறிக்கையை
கொடுப்பேன் என கூறியதாக தெரிகிறது. இதுகுறித்து பழனி வேலூர் லஞ்ச ஒழிப்பு
போலீசாரிடம் புகார் தெரிவித்தார்.

இதனையடுத்து லஞ்ச
ஒழிப்பு போலீசாரின் அறிவுரையின்பேரில் நேற்று மாலை திருப்பத்தூர் தாலுகா
போலீஸ் நிலையத்திற்கு பழனி சென்றார். அங்கு எட்டு கருணாநிதியை சந்தித்து
ரசாயன பொருள் தடவிய ரூ. 500-ஐ கொடுத்தார் அப்போது எதிரில் உள்ள டீ கடையில்
பணத்தை கொடுத்துவிட்டு செல்லுமாறு ஏட்டு கருணாநிதி கூறினார்.
அதைத்தொடர்ந்து டீ கடை உரிமையாளரான நவாஸ் (40) என்பவரிடம் ரூ. 500/- பழனி
கொடுத்தார்.

பின்னர் வழக்கம்போல் போலீஸ்
நிலையத்திற்கு டீ எடுத்து செல்வது போல் சென்று ரூ. 500-ஐஏட்டு
கருணாநிதியிடம் நவாஸ் வழங்கினார். எதிரே இருந்து நடந்த சம்பவங்களை
கவனித்துக் கொண்டிருந்த வேலூர் லஞ்ச ஒழிப்பு போலீஸ் துணை சூப்பிரண்டு
பாலசுப்பிரமணி, இன்ஸ்பெக்டர் ராஜ்குமார், மற்றும் போலீசார் தாலுகா போலீஸ்
நிலையத்திற்குள் விரைந்து சென்று ஏட்டு கருணாநிதி (40) நவாஸ் ஆகிய 2
பேரையும் கையும், களவுமாக பிடித்தனர்.

இதுகுறித்து
லஞ்ச ஒழிப்பு போலீசார் வழக்கு பதிவு செய்து கருணாநிதி, நவாஸ் ஆகிய 2
பேரிடமும் தீவிர விசாரணை நடத்தி பின்னர் வேலூர் ஜெயிலில் அடைத்தனர். கடந்த 2
நாட்களாக திருப்பத்தூர் பகுதியில் லஞ்ச ஒழிப்பு போலீசார் நடத்தி வரும்
அதிரடி நடவடிக்கைகள் பெரும் பரபரப்பை ஏற்படுத்தி உள்ளது.

இப்போவாவது பொலிஸ்ஸை கைது செய்தாங்களே அதுவே பெரிய விடயம்

lafeer2020 wrote:இப்போவாவது பொலிஸ்ஸை கைது செய்தாங்களே அதுவே பெரிய விடயம்

தப்புப் பண்ணினால் மந்திரியக் கூட கைதி பண்ணலாம்

lafeer2020 wrote:இப்போவாவது பொலிஸ்ஸை கைது செய்தாங்களே அதுவே பெரிய விடயம்

இது இந்தியாவுலன்னு பார்க்கலையா லாபீர்

:”@: