கரூர் அருகே இன்று ரூ. 10 ஆயிரம் லஞ்சம் வாங்கிய தாசில்தார் கைது

by **நண்பன்** Sun 16 Oct 2011 - 10:46

கரூர் அருகே உள்ள அரவக்குறிச்சியை சேர்ந்தவர் வீரையன். (வயது 50).
இவர் அந்த பகுதியில் கனிமம் மற்றும் சுரங்கத்துறை அனுமதி பெற்று கல்குவாரி
நடத்தி வருகிறார். நேற்று காலை அரவக்குறிச்சி தாசில்தார் கோவிந்தராஜ்
குவாரி அதிபர் வீரையனுக்கு போன் செய்தார். அப்போது அவர் எனக்கு தீபாவளி
இனாம் ரூ. 10 ஆயிரம் தர வேண்டும் என்று கூறி போனை வைத்து விட்டார்.

அதிர்ச்சி
அடைந்த வீரையன் இதுகுறித்து திருச்சி லஞ்ச ஓழிப்பு போலீசில் புகார்
செய்தார். டி.எஸ்.பி. அம்பிகாபதி தலை மையிலான போலீசார் வழக்கு பதிவு
செய்தனர். அதன்பின்னர் வீரையனிடம் ரசாயன பவுடர் தடவிய ரூ. 10 ஆயிரத்தை
வழங்கினர். இந்த பணத்தை தாசில்தார் வசம் கொடுக்க வேண்டும் என்று வீரையனிடம்
போலீசார் தெரிவித்தனர்.

பணத்தை பெற்றுக்கொண்ட
வீரையன் திட்டமிட்டபடி இன்று காலை அரவக்குறிச்சி தாலுகா அலுவலகம் சென்றார்.
அங்கு இருந்த தாசில்தார் கோவிந்தராஜிடம் ரசாயன பவுடர் தடவிய பணத்தை
வீரையன் கொடுத்தார். இதனை தாசில்தார் கோவிந்தராஜ் பெற்றுக்கொண்டார்.
அப்போது அங்கு திட்டமிட்டபடி மறைந்து இருந்த லஞ்ச ஓழிப்பு போலீசார்
தாசில்தாரிடம் இருந்து ரூ.10 ஆயிரம் பணத்தை கைப்பற்றி கைது செய்தனர்.

அதன்பின்னர்
அவரது வீட்டில் லஞ்ச ஒழிப்பு போலீசார் அதிரடி சோதனை நடத்தினர். சோதனையில்
கணக்கில் வராத பல லட்சம் பணம் சிக்கியது. மேலும் அங்கு இருந்த பாங்கி பாஸ்
புத்தகம், ஆவணங்கள் ஆகியவற்றையும் பறிமுதல் செய்தனர்.