அமெரிக்காவில் குடியரசு கட்சி வேட்பாளர் மீது “செக்ஸ்” புகார்

அமெரிக்காவில் குடியரசு கட்சி வேட்பாளர் மீது “செக்ஸ்” புகார்
கூறப்பட்டுள்ளது. அமெரிக்காவில் அடுத்த ஆண்டு (2012) டிசம்பரில் அதிபர்
தேர்தல் நடைபெற உள்ளது. அதில் ஜனநாயக கட்சி வேட்பாளராக அதிபர் ஒபாமா
போட்டியிடுகிறார். அவரை எதிர்த்து குடியரசு கட்சி வேட்பாளராக ஹெர்மன்
கெய்ன் களம் இறங்க முடிவு செய்துள்ளார். அதற்கான வேட்பாளர் தேர்வில்
முன்னணியில் உள்ளார்.

கடந்த 1990-ம் ஆண்டுகளில்
இவர் நேஷனல் ரெஸ்டாரண்ட் அசோசியேசனின் தலைவராக இருந்தார். அப்போது அவர்
தங்களிடம் “செக்ஸ்” உறவு வைத்து கொண்டதாக 2 பெண் ஊழியர்கள் புகார்
கொடுத்துள்ளனர்.

ஆனால் இந்த புகாரை ஹெர்மன் கெய்ன்
திட்டவட்டமாக மறுத்துள்ளார். நான் எந்த காலத்திலும் யாரையும் செக்ஸ்
துன்புறுத்தல் செய்ததில்லை. என் மீது பொய் புகார் கூறப்பட்டுள்ளது. அதிபர்
தேர்தலில் நான் போட்டி யிடக் கூடாது என்பதற்காக என் மீது இதுபோன்ற
அபாண்டமான குற்றச் சாட்டுகளை தெரிவித்துள் ளனர்Ó என்றார்.

அதிபர்
தேர்தலில் குடியரசு கட்சி வேட்பாளர் தேர்வு போட்டியில் ஹெர்மன் கெய்ன்
முன்னணியில் உள்ளார். தற்போது “செக்ஸ்” புகார் கூறப்பட்டதன் மூலம் அவரது
செல்வாக்கு பாதிக்கப்பட்டுள்ளது. இதன் மூலம் ஒபாமாவை எதிர்த்து
போட்டியிடும் குடியரசு கட்சி வேட்பாளர் தேர்தலில் அவருக்கு பின்னடைவு
ஏற்பட்டுள்ளதாக கருதப்படுகிறது.