2,000 இரகசிய கணக்குகளின் விவரங்களை இந்திய அரசுக்கு அனுப்பி வைத்துள்ளன

சுவிட்சர்லாந்து நாட்டு வங்கிகளில் வைத்துள்ளது போன்று, ஐரோப்பிய நாடுகளான பின்லாந்து, டென்மார்க் ஆகிய நாடுகளில் உள்ள வங்கிகளில் இந்தியர்கள் வைத்துள்ள 2,000 இரகசிய கணக்குகளின் விவரங்களை அந்நாட்டு அரசுகள் இந்திய அரசுக்கு அனுப்பி வைத்துள்ளன.


இந்த கணக்குகள் விவரங்களை பெற்றது குறித்து மத்திய அரசு இன்னமும் அதிகாரபூர்வமாக அறிவிக்கவில்லையென்றாலும், அந்த கணக்குகளின் விவரங்களை ஆராயுமாறு வருமான வரித்துறையின் குற்றப் புலனாய்வு இயக்ககத்திற்கு உத்தரவிடப்பட்டுள்ளதாக செய்திகள் தெரிவிக்கின்றன.




இதற்கு முன்னர் லீச்டென்ஸ்டீன் நாட்டின் எல்.ஜி.டி., ஜெனிவாவில் இயங்கிவரும் ஹெச்.எஸ்.பி.சி. ஆகிய வங்கிகள், தங்கள் வங்கியில் இரகசிய கணக்குகளை வைத்துள்ள இந்தியர்களின் விவரங்களை இந்திய அரசுக்கு தெரிவித்துள்ளன. இந்த வங்கிகள் அளித்த விவரங்கள் அனைத்தும் குற்ற புலனாய்வு இயக்ககத்தால் ஆராயப்பட்டுவிட்டதாகவும் செய்திகள் கூறுகின்றன.

ஹெச்.எஸ்.பி.சி. வங்கியில் மட்டும் ஆயிரக்கணக்கான கோடி டாலர்கள் இந்தியர்களின் இரகசியக் கணக்குகளில் போட்டு வைக்கப்பட்டுள்ளதாக தெரிவிக்கப்பட்டுள்ளது. இந்த வங்கியில் மட்டும் இந்தியர்களின் 700 இரகசிய கணக்குகள் உள்ளதென்றும், அவைகளில் பல தொழிலதிபர்கள், அரசியல்வாதிகளின் பெயரில் உள்ளதென்று கூறப்படுகிறது.

இந்த கணக்குகள் விவரங்களை பெற்றது குறித்து மத்திய அரசு இன்னமும் அதிகாரபூர்வமாக அறிவிக்கவில்லையென்றாலும், அந்த கணக்குகளின் விவரங்களை ஆராயுமாறு வருமான வரித்துறையின் குற்றப் புலனாய்வு இயக்ககத்திற்கு உத்தரவிடப்பட்டுள்ளதாக செய்திகள் தெரிவிக்கின்றன.