உலக எரிசக்தி மாநாடு -2011: அபுதாபியில் தொடங்கியது

by *சம்ஸ் Tue Jan 18, 2011 10:36 am

அபுதாபி: எதிர்கால எரிசக்தி தேவை குறித்த உலக மாநாடு- -2011 ஐக்கிய அரபு எமிரேட் நாடான அபுதாபியில் நேற்று தொடங்கியது. தொடர்ந்து 4 நாட்கள் இம்மாநாடு நடக்கிறது. உலகில் எண்ணெய் உற்பத்தி மற்றும் ஏற்றுமதி செய்யும் நாடுகளின் தலைவர்கள் மற்றும் 25 ஆயிரத்திற்கும் மேற்பட்ட தூதர்கள் கலந்துகொண்டனர். சுற்றுச்சூழல்பாதிக்காத வ‌கையில் எரிசக்தியினை பயன்படுத்துவது குறித்தும் அவற்றை எப்படி கையாளுவது என்பது குறித்தும் விவாதிப்பதற்காகவும் எதிர்கால எரிசகதி தேவை குறித்த உலக மாநாடு -2011 ஐக்கிய எமிரேட் நாட்டின் அபுதாபியில் தேசிய கண்காட்சி மையத்தில் தொடங்கியது. மஸ்தார் எனும் அபுதாபியைச் சேர்ந்த எண்ணெய் நிறுவனம் இந்த மாநாட்டிற்கான ஏற்பாட்டினை செய்திருந்தது. மாநாட்டினை யு. அபுதாயி இளவரசரும், யு.ஏ.இ. ஆயுதப்படை ‌துணை கமாண்டருமான ஷேக் முகமது பின் ஜியாத்- அல்-நெக்யான் ‌தொடங்கி வைத்தார். யு.ஏ.இ. அதிபர் ஷேக் -காலிபா-பின் ஜியாத் அல் நெக்யான் சிறப்புவிருந்தினராக கலந்து கொணடார். வளரும் நாடுகளின் எரிசக்தியின் தேவை, அதற்கான தீர்வுகளும், முதலீடுகள் , கொள்கைகள் உள்ளிட்ட முக்கிய விஷயங்கள் விவாதிக்கப்பட்டன. இம்மாநாட்டில் பாகிஸ்தான் அதிபர் சர்தாரி, வங்கதேச பிரதமர் ஷேக் ஹசீனா, ஐ.நா.பொதுச்செயலாளர் பான்-கீ-மூன், போர்ச்சுகல் பிரதமர்‌ ஜோஸ் ஸ்குரோட்ஸ் உள்ளிட்டோர் கலந்து கொண்டனர். வரும் 20-ம் தேதி மாநாடு நிறைவடைகிறது.