படுவான்ரைப்பிரதேசத்தில் 3500க்கும் மேற்பட்ட வீடுகள் முற்றாக சேதம் - அரியநேத்திரன்

மட்டக்களப்பு மாவட்டத்தின் படுவான்கரைப்பகுதியில்
அண்மையில் ஏற்பட்ட வெள்ளப்பெருக்கினால் 3500க்கும் மேற்பட்ட வீடுகள்
முற்றாக சேதமடைந்துள்ளதாக தமிழ் தேசிய கூட்டமைப்பு பாராளுமன்ற உறுப்பினர்
பா.அரியநேத்திரன் தெரிவித்தார்.
அண்மையில் இடம்பெற்ற பாரிய வெள்ளம் அனர்த்தம்
காரணமாக படுவான்கரை பிரதேசமே மிக மோசமாக பாதிக்கப்பட்டதாக தெரிவித்த
அவர்சுமார் 3500க்கும் மேற்பட்ட வீடுகள் முற்றாக அழிந்துள்ளதாகவும் அவர்
தெரிவித்தார்.

இதில் பட்டிப்பளை பிரதேசத்துக்குட்பட்ட பகுதிகளில்
அதிகளவான வீடுகள் அழிவடைந்துள்ளதாகவும் சுமார் 1500க்கும் வீடுகள் முற்றாக
சேதமடைந்துள்ளதாகவும் அவர் தெரிவித்தார்.

முற்றாக சேதமடைந்த
வீடுகளில் அதிகமான வீடுகள் களிமண்ணால் கட்டப்பட்ட வீடுகள் என தெரிவித்த
அவர்வெள்ளம் வடிந்த பின்னரும் பல இடங்களில் வீடுகள் இடிந்துவிழுவதாகவும்
அவர் தெரிவித்தார்.

அத்துடன் மாவட்டத்தில் வெள்ள நிலைமை ஓரளவு
வடிந்துள்ளபோதிலும் சில இடங்களில் இன்னும் வெள்ள நீர் வடியாததன் காரணமாக
மக்கள் நலன்புரிமுகாம்களிலேயே தங்கியுள்ளதாகவும் அவர் தெரிவித்தார்.

பண்டாரியன்வெளியில்
103 குடும்பங்களும்மகிழவட்டவானில் 42 குடும்பங்களும் இவ்வாறு உள்ளதாகவும்
ஏனை பகுதிகளிலும் மக்கள் இன்னும் முகாம்களில் உள்ளதாகவும் அவர்
தெரிவித்தார்.

மட்டக்களப்பு மாவட்டத்தில் அனேகமான பாடசாலைகள் இன்று
ஆரம்பிக்கப்பட்டுள்ளதால் முகாம்களில் உள்ளோர் பலநோக்கு
மண்டபங்களிலும்தற்காலிக கொட்டகைகளிலும் உள்ளதாகவும் அவர் மேலும்
தெரிவித்தார்.

:pale: :pale: