கல்லூரி மாணவி கட்டாயப்படுத்தி தாலிகட்டி, பலாத்காரம்

by **நேசமுடன் ஹாசிம்** Sat 26 Nov 2011 - 13:36

கல்லூரி மாணவியை கடத்திச் சென்று, கட்டாயப்படுத்தி தாலிகட்டிய வாலிபர் உட்பட ஏழு பேர் மீது போலீசார் வழக்கு பதிந்துள்ளனர்.
விழுப்புரம் மாவட்டம், திருக்கோவிலூர் அடுத்த வீரப்பாண்டி கிராமத்தைச் சேர்ந்தவர் அஞ்சலை, 17 (பெயர் மாற்றப்பட்டுள்ளது). திருக்கோவிலூர் தனியார் கல்லூரியில் பி.சி.ஏ., படித்து வருகிறார். கடந்த மாதம் 3ம் தேதி இரவு வீட்டிலிருந்த அஞ்சலையை, அதே ஊரைச் சேர்ந்த காசிவேல் மகன் சரவணன், 24, கடத்திச் சென்று கட்டாயப்படுத்தி தாலிகட்டி, பலாத்காரம் செய்துள்ளார்.

இதை வெளியில் கூறினால், மண்ணெண்ணெய் ஊற்றி கொலை செய்து விடுவதாக மிரட்டியுள்ளார். இதற்கு சரவணனின் தந்தை காசிவேல், தாய் வசந்தி மற்றும் நான்கு பேர் உடந்தையாக இருந்துள்ளனர். இது குறித்து, அஞ்சலையின் தந்தை கொடுத்த புகாரின் பேரில், சரவணன் உட்பட ஏழு பேர் மீது, அரகண்டநல்லூர் சப்-இன்ஸ்பெக்டர் கண்ணன் வழக்கு பதிந்து, ஏழு பேரையும் தேடி வருகிறார்.