ஹிந்திப்பட உலகின் மார்க்கண்டேயன் நடிகர் தேவ் ஆனந்த் மாரடைப்பால் மரணம்

by *சம்ஸ் Mon 5 Dec 2011 - 6:28

ஹிந்திப்பட உலகின் மார்க்கண்டேயன் நடிகர் தேவ் ஆனந்த் மாரடைப்பால் மரணம்
ஹிந்திப்பட உலகின் மார்க்கண்டேயன் நடிகர் தேவ் ஆனந்த் லண்டனில் நேற்று மாரடைப்பால் மரணம் அடைந்தார். அவருக்கு வயது 88. தேவ் ஆனந்த் சில நாட்களாகவே உடல் நலம் இல்லாமல் இருந்து வந்தார். மருத்துவ பரிசோதனைக்காக சமீபத்தில் லண்டன் சென்றார். அவருடன் மகன் சுனில் மற்றும் குடும்பத்தினர் சென்றிருந்தனர்.

லண்டனில் தங்கி சிகிச்சை பெற்று வந்த தேவ் ஆனந்தின் உடல்நிலை நேற்று அதிகாலை மோசமடைந்தது. இந்திய நேரப்படி அதிகாலை 3.30 மணிக்கு மாரடைப்பால் மரணம் அடைந்தார். இந்த தகவல் அறிந்த ஹிந்திப்பட உலகினரும், அவரது ரசிகர்களும் அதிர்ச்சி அடைந்தனர். தேவ் ஆனந்த்தின் உடல் மும்பைக்கு கொண்டு வரப்படுகிறது. ஹிந்திப்பட உலகில் முடிசூடா மன்னனாக வலம் வந்தவர் தேவ் ஆனந்த். வித்தியாசமான உடை அலங்காரம் மற்றும் ஸ்டைலால் ரசிகர்களை வசீகரித்தவர். இவர் அணியும் தொப்பி மிகவும் பிரபல்யம்.

கோட்டு அணிந்து உடைக்கு மேலே கழுத்தை சுற்றி கைக்குட்டை கட்டி டை போல் தொங்க விட்டபடி தோன்றுவது இவரது தனி ஸ்டைல். இந்த ஸ்டைலை ஹிந்தி ரசிகர்கள் பின்பற்றினர். 1946ம் ஆண்டில் இந்திப்பட உலகில் அறிமுகமான தேவ் ஆனந்த் சுமார் 65 வருடங்கள் இந்திப் பட உலகில் கொடிகட்டிப் பறந்தார்.

இளமை மாறாமல் இருந்ததால் மார்க்கண்டேயன் நடிகர் என்று புகழப்பட்டார். 1923ம் ஆண்டில் பிறந்த தேவ்ஆனந்த் தனது 23வது வயதில் (1946ல்) ஹிந்திப்பட உலகில் காலடி எடுத்து வைத்தார். ஹம் ஏக் ஹெய்ன் என்ற படத்தில் நடிகராக அறிமுகமானார். அதற்கு அடுத்த ஆண்டில் (1947) ஜிட்டி என்ற படம் வெளியாகி சக்கைபோடு போட்டது. அதன்பிறகு அவர் நடித்த எல்லா படங்களும் சூப்பர் ஹிட் ஆகின.

by **அப்துல்லாஹ்** Mon 5 Dec 2011 - 9:15

மறக்க வியலாத மனிதர்... மனதில் இன்றும் இனிக்கும் மார்க்கண்டேய பாடல்களுக்கு வாயசைத்து ஒரு எளிய அமைதியான முன்னணி நடிகரின் வடிவத்தை திரையுலகத்துக்கு அறிமுகம் செய்துவைத்த மதிப்புமிக்க நடிகர் இயக்குனர் தயாரிப்பாளர்...