நரி, நாய் இடையே வளர்ந்த காதலால் நரி கர்ப்பம்

by **நேசமுடன் ஹாசிம்** Tue 6 Dec 2011 - 7:25

கர்நாடகாவில் பீதரில் நரி ஒன்று, நாய் உருவத்தில் 4 குட்டிகளை ஈன்ற விநோதம் நடந்துள்ளது. கர்நாடக மாநிலம் பீதரை அடுத்த அரளகுண்டே கிராமத்தில் அதிக விளை நிலம் உள்ளது. சோளம், கேழ்வரகு ஆகியவை இப்பகுதியில் அதிகம் விளைகிறது.
இவற்றை ருசி பார்க்க பெண் நரி ஒன்று இந்த கிராமத்திற்கு அடிக்கடி வந்துள்ளது. அப்போது கிராமத்தில் சுற்றி திரியும் ஆண் நாயுடன் நரி காதல் வயப்பட்டுள்ளது.

நரி, நாய் இடையே வளர்ந்த காதலால் நரி கர்ப்பம் தரித்தது. நேற்று முன்தினம் நரி அழகான 4 நாய் குட்டிகளை ஈன்றுள்ளது. நரி ஈன்ற நாய்குட்டிகளை அப்பகுதி மக்கள் அதிசயமாக பார்த்து சென்றனர். இது குறித்து கால்நடை மருத்துவரிடம் கேட்டபோது, ‘நரி, நாய் குட்டிகளை பெறுவதற்கான சாத்தியகூறுகள் மிக மிக குறைவு. நரி ஈன்ற குட்டிகள், தோற்றத்தில் நாய் போன்று காணப்படலாம். இருந்தாலும் குட்டிகள் வளர்ந்தால் தான் நாயா? நரியா என தெரிய வரும்’ என்றார்.