இலங்கை இராணுவ தளபதிக்கு டெல்லியில் செங்கம்பள வரவேற்பு

ஸாதிக் ஷிஹான்
இலங்கை இராணுவத் தளபதி லெப்டினன்ட் ஜெனரல் ஜகத் ஜயசூரிய உத்தியோகபூர்வ விஜயம் மேற்கொண்டு புது டெல்லி பயணமாகியுள்ளார்.

செங்கோட்டையிலுள்ள இந்திய இராணுவத் தலைமையத்திற்கு திங்கட்கிழமை விஜயம் செய்த இலங்கை இராணுவத் தளபதிக்கு இராணுவ சம்பிரதாயத்திற்கமைய செங்கம்பள வரவேற்பு அளிக்கப் பட்டுள்ளது.

ஒரு வார காலம் இந்தியாவில் தங்கியிருக்கும் இராணுவத் தளபதி இந்தியாவின் பாதுகாப்புத் துறை உயர் அதிகாரிகளையும், இந்திய இராணுவ தளபதி உட்பட உயர் அதிகாரிகளையும் சந்தித்து இரு நாட்டு விடயங்கள் தொடர்பாக உயர் மட்ட பேச்சுவார்த்தைகள் நடத்தவுள்ளதாக இராணுவப் பேச்சாளர் பிரிகேடியர் நிஹால் ஹப்புஆராச்சி தெரிவித்தார்.

செங்கோட்டையிலுள்ள இந்திய இராணுவத் தலைமையகத்தில் எதிர்வரும் 10 ஆம் திகதி நடைபெறவுள்ள பயிற்சிகளை முடித்து விட்டு வெளியேறவுள்ள இந்திய இராணுவ அதிகாரிகளின் நிகழ்வில் பிரதம அதிதியாக கல்நதுகொள்ள வருமாறு இந்திய இராணுவத் தளபதி ஜெனரல் விஜேய் குமார சிங் விடுத்த உத்தியோகபூர்வ அழைப்பின் பேரிலேயே இராணுவத் தளபதி புதுடில்லிக்கான விஜயத்தை மேற்கொண்டள்ளதாக அவர் சுட்டிக் காட்டினார்.

இதேவேளை, இந்திய இராணுவத் தலைமையகத்தில் நடைபெறவுள்ள பல்வேறு முக்கிய நிகழ்வுகளிலும் இலங்கை இராணுவத் தளபதி கலந்து சிறப்பிக்கவுள்ளார்.

இந்தியஇராணுவத் தலைமைய கத்திற்கு திங்கட்கிழமை விஜயம் செய்த இராணுவத் தளபதியை இந்திய இராணுவத்தின் மேஜர் ஜெனரல் ராகேஷ் பாஸ்ஸி வரவேற்றார்.

இலங்கையும் இந்தியாவும் ராணுவ உறவில் மிக நெறுக்கமாக இருப்பதாக தெரிகிறது