சீன இராணுவ பிரதிதளபதிக்கு இந்திய இராணுவ அதிகாரிகளை சந்திக்க அனுமதி இல்லை!

by **veel** Wed 25 May 2011 - 23:06

சீன இராணுவ பிரதிதளபதிக்கு இந்திய இராணுவ அதிகாரிகளை சந்திக்க அனுமதி இல்லை!

கொழும்பில் சிறிலங்கா அரசாங்கத்தின் பாதுகாப்பு அமைச்சு மே 31 தொடக்கம் ஜூன் 2 வரை நடத்தவிருக்கும் பயங்கரவாதத்திற்கெதிரான போர் அனுபவங்கள் பற்றிய கருத்தரங்கிற்கு செல்லும் வழியில் சீன நாட்டு இராணுவத்தின் பிரதி தளபதி ஜெனரல் மாஷியாசென் புதுடில்லியில் ஒரு நாள் தங்கி நின்று இந்திய இராணுவ அதிகாரிகளை சந்திப்பதற்கு இந்தியா அனுமதிக்கவில்லை.
சீன இராணுவ உயர் அதிகாரி இது தொடர்பாக விடுத்த கோரிக்கையை பாதுகாப்பு அமைச்சர் ஏ.கே.அன்டனி நிராகரித்து விட்டார் என்று ஐஏஎன்எஸ் செய்தி ஸ்தாபனம் தெரிவித்துள்ளது.
அக்காலத்தில் இந்திய பாதுகாப்பு அதிகாரிகள் பாகிஸ்தான், ஜேர்மன் மற்றும் ஆப்கானிஸ்தான் அதிகாரிகளுடன் பேச்சுவார்த்தைகள் நடத்த ஒழுங்கு செய்யப்பட்டிருப்பதாகவும் இந்திய பாதுகாப்பு அமைச்சர் அன்டனி தெரிவித்ததாக செய்தியில் தெரிவிக்கப்பட்டுள்ளது.
இந்திய பாதுகாப்பு அமைச்சுச் செயலாளர் பாகிஸ்தான் பாதுகாப்புச் செயலாளருடன் மே 30,31 ஆம் திகதிகளில் பேச்சுவார்த்தை நடத்துகின்றார். அதன் பின்னர் ஜேர்மன் பாதுகாப்பு செயலாளரைச் சந்திக்கின்றார். ஜேர்மன் நாட்டுத் தலைவர் மே 31 ஆம் திகதி இந்தியா வருகின்றார் . அதன் பின்னர் ஆப்கனிஸ்தான் பாதுகாப்பு அமைச்சர் ஜூன் முதலாம் திகதி விஜயம் செய்கின்றார்.