எல்லையில் ஊடுருவும் அமெரிக்காவின் எந்த ஒரு பொருளையும், பாக்., ராணுவம் உடனடியாக சுட்டுத் தள்ளி விடும்

நேட்டோ தாக்குதலுக்கு எல்லையில் உள்ள, பாக்., ராணுவம் உடனடியாக பதிலடி கொடுக்கலாம் என, பாக்., ராணுவத் தளபதி கயானியும், பிரதமர் கிலானியும் தெரிவித்துஇருந்தனர்.
பாக்., புதிய ராணுவ கொள்கையின்படி, வான்வெளிக்குள் ஊடுருவும், அமெரிக்காவின் ஆளில்லா விமானங்கள் உட்பட, எந்த ஒரு பொருளையும், பாக்., ராணுவம் உடனடியாக சுட்டுத் தள்ளி விடும் என, பாக்., ராணுவத்தின் மூத்த அதிகாரி ஒருவர் தெரிவித்துள்ளார்.


காலி செய்த அமெரிக்கா ?



பாகிஸ்தானின் பலுசிஸ்தான் மாகாணத்தில் உள்ள ஷாம்சி விமான தளத்தை, சொன்னபடி, நேற்று அமெரிக்கா காலி செய்து விட்டது. இதையடுத்து, அத்தளத்தின் முழுக் கட்டுப்பாடும், பாகிஸ்தான் வசம் வந்தது.பலுசிஸ்தான் மாகாணத்தின் வாஷுக் மாவட்டத்தில் உள்ள ஷாம்சி விமான தளத்தை, ஐக்கிய அரபு நாடுகள், 1992ல் குத்தகைக்கு எடுத்தன. அந்நாட்டின் அனுமதியின்படி, 2001ல்ஆப்கன் போர் துவங்கியது முதல், சி.ஐ.ஏ., இத்தளத்தைப் பயன்படுத்தி வந்தது.

மேலும், தெற்கு வஜீரிஸ்தான் பகுதியில், அமெரிக்கா நடத்தி வரும் ஆளில்லா விமானத் தாக்குதல்களுக்கு, இத்தளம் மிகவும் பயன்பட்டது.கடந்த நவம்பர் 26ம் தேதி நடந்த நேட்டோ தாக்குதலை அடுத்து, இத்தளத்தை டிசம்பர் 11ம் தேதிக்குள், அமெரிக்கா காலி செய்து விட வேண்டும் என, பாக்., ராணுவம் நோட்டீஸ் அனுப்பியது. அமெரிக்காவும், அதற்கு சம்மதம் தெரிவித்தது.இந்நிலையில், நேற்று முன்தினமே, அமெரிக்கா விமான தளத்தைக் காலி செய்து, பாக்., வசம் கொடுத்தது. நேற்று முதல் இத்தளம், உள்நாட்டு விமானப் போக்குவரத்து ஆணையத்தின் வசம் வந்ததாக, அந்நாடு தெரிவித்தது.எனினும், நேற்று காலையில், அமெரிக்காவின் மூன்று விமானங்கள், இத்தளத்தில் நிறுத்தப்பட்டிருந்தன. அமெரிக்கக் கொடிகள் இறக்கப்பட்டு விட்டன என, பாக்., பத்திரிகைகள் தெரிவித்துள்ளன.

என்னதான் நடக்கிறது அங்கு

பேச்சில் வேலை இல்லை செய்ய வேண்டும் செயலில் காட்டுங்கள் முதல்ல