4 வயது குழந்தை பாலியல் பலாத்காரம்:துபாயில் 3 இந்தியர் கைது.

by *சம்ஸ் Thu 20 Jan 2011 - 6:30

துபாய்: பள்ளிக்கு சென்ற நான்கு வயது இந்திய குழந்தையை பாலியல் பலாத்காரம் செய்த இந்தியர்கள் மூன்று பேர் கைது செய்யப்பட்டனர்.இது குறித்து, துபாய் போலீஸ் தரப்பில் கூறப்படுவதாவது:துபாயில் உள்ள மாடர்ன் உயர்நிலைப் பள்ளியில், இந்தியாவைச் சேர்ந்த நான்கு வயது குழந்தை படித்து வருகிறது. பள்ளிக்கு பத்து நாள் விடுமுறை அறிவிக்கப்பட்டதையடுத்து, கடைசி நாள் அன்று பள்ளியில் இருந்து பள்ளி பஸ்சில் வீடு திரும்பிக் கொண்டிருந்த நான்கு வயது குழந்தை, நன்கு அயர்ந்து தூங்கி கொண்டிருந்தது. குழந்தையிடம் சாக்லெட் கொடுத்து அதை பஸ்சின் கடைசி இருக்கைக்கு அழைத்துச் சென்ற பஸ் டிரைவர், கண்காணிப்பாளர் மற்றும் உதவியாளர் ஆகியோர் குழந்தையை பாலியல் ரீதியாக பலாத்காரம் செய்தனர். நடந்த சம்பவத்தை தன் பெற்றோரிடம் குழந்தை கூறியதையடுத்து, பெற்றோர் கொடுத்த புகாரின்படி, பஸ் ஊழியர்கள் மூன்று பேர் கைது செய்யப்பட்டு வழக்கு பதிவு செய்யப்பட்டது. குழந்தை பாலியல் ரீதியாக துன்புறுத்தப்பட்டிருப்பது மருத்துவ சோதனையில் தெரியவந்தால், குற்றவாளிகளுக்கு துபாய் சட்டப்படி மரண தண்டனை விதிக்கப்படும். இவ்வாறு துபாய் போலீஸ் தரப்பில் தெரிவிக்கப்பட்டுள்ளது. குழந்தை உட்பட குற்றவாளிகள் அனைவரும் இந்தியாவைச் சேர்ந்தவர்கள் என்று தெரிவித்துள்ள போலீசார் அவர்களது பெயர்களை தெரிவிக்கவில்லை.